بو گون سولدوز (نقده) قتلعامینین ۴۴-جو ایلدؤنومودور.

Kult.az خاتیرلادیر کی، ترور آکتی ۱۹۷۹-جو ایلین آپرئلین ۲۰-ده گونئی آذربایجانین سولدوز شهرینده باش وئریب.

قیرغین اسلام انقلابی دؤورونه تصادف ائدیر. ایران‌دا شاه حاکمیتینین دئوریلدیی بیر واختدا اؤلکه‌ده وضعیت گرگینلشیر. بوندان ایستیفاده ائد‌ن کورد سلاحلی گروپلاشمالاری و پارتییالارینین سولدوزو آذربایجان تورکلرین‌دن تمیزله‌مک جهدی سلاحلی قارشی‌دورمایا سبب اولور.

عبد الرحمان قاسیملونون باشچی‌لیق ائتدیی کردستان دموکرات پارتییاسینین عضولری و باشقا کورد سلاحلی گروپلاشمالاری سیاسی پارتییا و نماییش آدی آلتیندا ایران‌داکی چئوریلیشدن ایستیفاده ائد‌رک حربی بازالاری غارت ائدیر، آغیر-یونگول سلاحلارلا سولدوز (نقده) شهرینده توپلانماغا باشلاییرلار.

مقصد آذربایجان تورپاقلارینین ایچینه نفوذ ائدیب، یئنی تورپاقلار غصب ائتمک، «بؤیوک کردستان» یاراتماق ایدی. شهرده یاشایان سلاحسیز، دینج آذربایجان تورکلرینین هجوما معروض قالماسی چوخ بؤیوک ایتکی ایله نتیجه‌لنیر. قتلعام‌دا اوشاق، قادین، قوجا دئمه‌دن چوخ سایدا اینسان اؤلدورولور، جنازه‌لری تحقیر ائدیلیر.

تخمیناً، ۱۰ گون داوام ائد‌ن قیرغینا گونئی آذربایجانین مختلیف بؤلگه‌لریندن یاردیم اوچون گئدن کؤنوللولرین سولدوزا داخیل اولماسی سون قویور.

قتلعام‌دا سولدوز شهری ایله بیرلیکده اطراف کندلر ده بو ترور آکتیندان آغیر ضربه آلاراق چوخ بؤیوک ایتکی وئریر.

ترور آکتی نتیجه‌سینده ۲۰۰۰-دن چوخ اینسان قتله یئتیریلیب، چوخ سایدا اینسان یارالانیب.