بو گون گونئی آذربایجانین تانینمیش آشیقلاریندان اولان "دده" لقبلی آشیق رسول قوربانینین دوغوم گونودور.

Kult.az خبر وئریر کی، آشیق رسول قوربانی ۲۸ آپرل ۱۹۳۵-جی ایلده قاراداغ بؤلگه‌سینین عباس‌آباد کندینده دنیایا گلیب.

او، ۱۹۵۱-جی ایلده‌ن آشیق موسیقی صنعتی ایله مشغول اولوب. آشیقلیق درسینی آشیق خیرالله، آشیق حیدر، آشیق کریم حضرتی و دیگر تانینمیش آشیقلاردان آلیب.

۱۹۶۴-جو ایلده‌ن ایران تلویزیاسی و رادیوسوندا متمادی چیخیش ائد‌ن آشیق رسول قوربانینین ۱۹۷۹-جو ایل اسلام انقلابیندان سونرا موسیقی ساحه‌سینده‌کی فعالیتینه قاداغا قویولور.

او، آذربایجان، تورکیه، آلمانیا، فرانسا، هللاندیا، اینگیلتره، یاپونیا، چین، آوسترالیا و دیگر اؤلکه‌لرده کئچیریله‌ن فستیواللارا قاتیلیب.

آشیق رسول قوربانینین ساغلیغیندا، اؤمرونون سون گونلرینده ایشیق اوزو گؤره‌ن ایلک و سون کتابی "سینه‌مده سسلنه‌ن سازیم وار منیم" اولور. او، یارادیجیلیغی بویو مختلف مضمونلو ۳ مین بیت شعر اوخویوب.

آشیق بئیین اینفارکتی سببی ایله ۲۸ سنتیابر ۲۰۱۵-جی ایلده دنیاسینی دییشیب.

تئللی سازی قویدوم یئره
سؤزلریمی وئردیم یئله
آشیق ایدیم گؤزل ائله
ائل ده منه ناز ائیله‌دی
تئللی ساز آواز ائیله‌دی