Kult.az مرحوم موغه‌نی خیرانسا ممدووا حاقیندا ماراقلی فاکتلاری تقدیم ائدیر:

خیرانسا ممدووا ۱۹۶۶-جی ایلین ۲۶ نویابریندا کاسیب بیر عائله‌نین ۹-جو اؤولادی اولاراق دنیایا گلیب.

اوشاق واختی حیاطلرین‌ده اوینایاندا قفیل اوستونه ایت جومور. خیرانسا کئچیرتدیی قورخونون تأثیریندن شکر خسته‌لیینه توتولور.

ایلک دفعه بؤیوک صحنه‌یه ۱۹۸۰-جی ایلده، ۱۴ یاشیندا چیخیب.

لنین سارایندا (ایندیکی حیدر علیئو سارایی) رسمی تدبیرده جهانگیر جهانگیرووون "آنا کور" ماهنیسینی ایفا ائدیر. تدبیردن سونرا حیدر علیئو صحنه آرخاسینا کئچه‌رک بالاجا قیزجیغازین کیملیگی ایله ماراقلانیر، خسته‌لینی بیله‌ندن سونرا معالجه‌سینه گؤستریش وئریر. بو حادثه خیرانسایا داها دا مشهورلوق گتیریر.

خیرانسا ممدووا دؤرد ایل دالبادال "اوخو تار..." مسابقه‌سینین، مکتبلیلرین زاقفقازیا فستیوالینین لاورئاتی اولوب.

"آنا کور" ماهنیسی ایفا ائد‌ندن سونرا هر دفعه او قدر آلقیشلانیردی کی، حتی خالق آرتیستلری اونو قیسقانیردی.

داهی نیازینین قلبینه یول تاپان، خیرانسا ممدووا مایسترونون اونو اؤولادلیغا گؤتورمک تکلیفینه: "من سیزی چوخ سئویرم، اما ائویمیز اوچون داریخارام آخی" جوابینی وئریب.

بوش واختلاریندا پیانودا، قارموندا، ناغارادا مختلف ماهنیلارین اویناق ریتملرینی چالماغی خوشلایردی.

"آذکنسرت"ده سوروجو ایشله‌یه‌ن گنجله عائله حیاتی قوران موغه‌ننینین حکیملر اؤولاد دونیایا گتیرمه‌سینه قطعیا اجازه وئرمیردیلر.

سون مصاحبه‌سینده: "گؤره‌سه‌ن، قورخولو یوخولاریما نه واخت سون قویولاجاق. ائله هی شیرین یوخو گؤرمک ایستییرم. آنجاق قورخولو، دهشتلی یوخولار گؤرورم... چوخ یوخ، کاش ۵۰ ایل یاشایایدیم، پلانلاریمی حیاتا کئچیره بیلیدیم. ایستییرم کی، اولی خوشبختلیک، اوغور اولان صنعت آددیمیم بدبخت سونلوقلا بیتمه‌سین" دئییب.

حکیملرین قاداغالارینا رغما بئش دفعه حامله قالان موغه‌ننی حامله‌لیینی سونلاندیرا بیلمیر. اوشاقلار تلف اولور. ۱۹۹۵-جی ایلده ایلده ۵-جی دفعه اؤولاد دنیایا گتیره‌ن خیرانسا ممدووا دوغوش زمانی دنیاسینی دییشیر.