بو گون - ۵ مای «آذرخالچا» آچیق سهمدار جمعیتینین یارادیلدیغی گون اولاراق آذربایجاندا «خالچاچی گونو» کیمی قید اولونور.

Kult.az خالچاچی-رسام ائلدار حاجییئوین ایتو-ا قدیم صنعت ایله باغلی مصاحبه‌نی تقدیم ائدیر:

- اولجه، اؤزونونزدن، بو صنعته گلیشینیزدن دانیشاردینیز:

- والدینلریم اصلا شوشاداندیر. من چوخ ایستردیمکی، منیم ایشلریمده شوشایا، قاراباغا عائد مؤوضولار چوخ یئر آلسین. ۱۲-۱۴ یاشلاریندان ایشله‌مه‌یه باشلادیم. اما او واختی من خالچا ایله ایشله‌میردیم. ساده‌جه ناتورمورتلار، رسم اثرلری چکیردیم. خالق رسامی نادیر عبدالرحمانوو منیم آتامین دوستو ایدی. آتام او واختی منی رساملیقلا مشغول اولماق اوچون اونون یانینا گوندردی. من ده گئدیب اونون ائمالاتخاناسیندا درس کئچیردیم. ایلک درسلریم اورادا اولوب.

خالچاچیلیغین سیرلرینه ییه‌له‌نمکده کیملردن بهره‌لنمیسینیز؟

- تحصیل آلدیغیم مدتده گؤرکه‌ملی خالچاچی-رسام لطیف کریموودان بو صنعتین سیرلرینی اؤیرنمیشه‌م. لطیف معلمدن اؤیرندیکلریم خالچاچی-رسام کیمی فورمالاشماغیمدا اهمیتلی رول اویناییب. لطیف معلمدن اساس ناخیش درسلرینی، ناخیشلارین، خالچالارین آدینی، توخونوشونو اؤیرنمیشه‌م.

- بو صنعتین چتینلیکلریندن دانیشاردینیز…

-خالچا توخوماق، خالچا یاراتماق چوخ چتین بیر ایشدیر. خالچا اؤزو اول دامارلی بیر کاغذ وار، اونون اوزرینده سالینمالیدیر، اونون اوزرینده ایشلنیلمه‌لیدیر. سونرا توخوجولار اونو توخوماغا باشلاییر. هر بیر نقطه‌سی بیر ایلمه‌دیر. ملی ناخیشلار، ملی پالتارلار، زرگرلیک ایشلری، خالچالاری داها چوخ گؤسترمک ایستییرم.

- ال ایشلرینیز ماراقلیدیر. حاضردا نیین اوزرینده ایشلییرسینیز؟

- ۱۱ کوادرار مترلیک بیر «نظامی» خالچاسی وار. اونون اورتاسیندا قایالارین آراسیندا نظامی و بوتون اطرافی «خمسه»موتیولریدیر. نئچه ایللردیر بو خالچانی ایشله‌مک ایستییردیم و بونو ائلدیم. سون واختلار ایسه قاراباگ مؤوضوسونو چوخ ایشلییرم. قاراباغ خالچالاری و قاراباغ آتلاری مؤوضوسونو قاریشدیریب بیر ایشلییرم.

من بئله بیر فکره گلدیم کی، قلبه‌میزه بیر خالچا حصر ائلییم. اورادا، «خان قاراباغ»خالچاسیندا قیرمیزی قاراباغ آتی و اونون آیاقلارینین آلتیندا ایلان ازیلمیش باشی تصویر ائتدیم.

تاریخ: ۲۰۲۱