بو گون - ۶ مای زنگان‌لی شاعر، غزل اوستادی اولان حسین منزوینین آنیم گونودور.

Kult.az خبر وئریر کی، او، ۲۳ سنتیابر ۱۹۴۶-جی ایلده گونئی آذربایجانین زنجان محلینین یئددی بوروق کندینده آنادان اولوب.

شاعر ایلک و اورتا تحصیلینی زنجان شهرینده باشا ووردوق‌دان سونرا ۱۹۶۵-جی ایلده تئهران اونیورسیتتینین ادبیات فاکولته‌سینه داخیل اولوب. اوراداکی تحصیل دورومو گنج شاعری قانع ائتمدیی اوچون سوسیولوگییایا فاکولته‌سینه کئچیب.

سوسیولوگییا اوزره بیر نئچه ایل تحصیل آلدیق‌دان سونرا اورادان دا آیریلیب و بوتون واختینی ادبی یارادیجیلیغا حصر ائدیب.

آذربایجان و فارس دیللرینده یازان شاعرین ایلک کیتابی ۱۹۷۱-جی ایلده نشر ائدیلدیکدن سونرا او، ایران میللی تله‌ویزییاسینا دعوت اولونوب، اورادا ادبی-بدیعی وئریلیشلرین مؤلفی کیمی چالیشیب.

۱۹۷۵-جی ایلده عائله حیاتی قوران حسین منزوینین بو ائولی‌لیگی ۶ ایل داوام ائدیب و او، ۱۹۸۱-جی ایلده حیات یولداشین‌دان آیریلیب. بو، شاعرین یئنی‌دن آنا یوردو زنجانا قاییتماسینا و بدیعی یارادیجیلیغین‌دا یئنی بیر مرحله‌نین باشلانماسینا سبب اولوب.

شاعر ایران و گونئی آذربایجان ادبیاتین‌دا، اؤزللیکله قزل ژانریندا یئنی اوصلوبون یارادیجیلارین‌دان بیری ساییلیر. اونون تورکجه شعیرلرین‌دن عبارت "دومان" اثری آذربایجانلی ادبیاتچیلار آراسیندا داها چوخ تانینیب.

ایرانین تانینمیش ادبی تنقیدچیلرین‌دن اولان محمد علی بهمنی حسین منزوی یارادیجیلیغینی معاصر ایران ادبیاتی تاریخین‌ده یئنی بیر مرحله‌نین باشلانغیجی کیمی دیرلندیریب.

«منزوی بوتون دونموش نقطه‌لری یوخلادی، اونلارین حتی ان خفیف جیزگیلرینی مباحثه پردمتینه چئویردی، غزه‌لی سؤکوب باشدان یاراتدی و شاعرلری اؤز تأثیری آلتیندا قویدو»،- بهمنی یازیب.

زنجان‌لی شاعرین «حنجره زخمی تغزول» کیتابی غزل تاریخین‌ده بیر دؤنوش نقطه‌سی ساییلیر.

بیر مصاحیبه‌سین‌ده او، بو مسئله ایله باغلی یازیردی: «منیم بو اثریم هئچ بیر شاعرین تأثیری آلتین‌دا یارانماییب. شعریمین ائپیک روحو و یئنیلیینه گؤره یالنیز آذربایجان ناغیللاری و اؤزل‌لیکله کوروغلو داستانینا میننتدارام».

اؤزونه‌مخصوص حیات طرزی و یارادیجی‌لیغی ایله سئچیله‌ن، باره‌سین‌ده غیری-عادی، خیالی تصور فورمالاشدیران حسین منزوی ۲۰۰۴-جو ایل مایین ۶-دا اورک و آغجیر چاتیشمازلیغین‌دان ۵۸ یاشین‌دا تهران‌دا معالیجه اولوندوغو رجایی خسته‌خاناسین‌دا وفات ائدیب. او، زنجان‌دا تورپاغا تاپیشیریلیب.

شاعرین "دومان" کیتابیندان قیسا مدت‌لی ۶ ایللیک ائولیلییندن اولان غزل آدلی قیزینا یازدیغی غزلینی تقدیم ائدیریک:

آچ گؤزون تا یوخودان گوللر اویانسین غزلیم
آچ گؤزون تا باخیشیندان گون اوتانسین غزلیم

گؤره بیلمز گؤزلیم آی دا اؤزوندن گؤزه‌لی
آیا باخ تاکی حسددن پارالانسین غزلیم

سن اولان یئرده گولوم، گول ندی؟ دور گولشنی گز
قوی سنین باشینا پروانه دولانسین غزلیم

ائلیمین غمله‌سی بسدیر منه سن آغلاما هئچ
قویما غملر غمیمین اوسته قالانسین غزلیم

آغلاما، غم یئمه، گول، گوللر آچیلسین بالاجان
ائله گول تاکی آتان غملری دانسین غزلیم.