آذربایجانی بو ایل آوروویزییادا تمثیل ائد‌جک تورال و توران اکیز قارداشلاری - تورالتورانخ مسابیقه‌نین کئچیریلدیی لیورپول شهرینده بیر سیرا گؤروشلر کئچیریبلر.

Kult.az خبر وئریر کی، تورالتورانخ لیورپول‌دا آوروویزییا فاناتلاری ایله گؤروشده هم اؤز ماهنیلارینی، هم ده آذربایجان دیلینده ماهنی ایفا ائدیبلر.

بون‌دان باشقا، تمثیل‌چیلریمیز مایین ۹-دا ۱-جی یاریم‌فینال‌دا چیخیش ائتمک اوچون صحنه مشقلرینی داوام ائتدیریرلر.

خاطیرلاداق کی، اونلار ۱۲-جی نمره آلتین‌دا صحنه‌یه چیخاجاقلار.

آوروویزییانین یئنی قایدالارینا اساساً، مسابیقه‌ده اشتراک ائتمه‌یه‌ن اؤلکه‌لر ده بو ایل سس‌وئرمه‌یه قاتیلا بیله‌جکلر.

قید ائدک کی، «آوروویزییا ۲۰۲۳» ماهنی مسابیقه‌سی بو ایل ۹-۱۳ مای تاریخلرینده اؤتن ایل غالیب گلمیش اوکراینا آدیندان بؤیوک بریتانییانین لیورپول شهرین‌ده کئچیریله‌جک. اوکراینا و بؤیوک بریتانییانین بیرگه تشکیلاتچیلیغی ایله باش توتان «آوروویزییا-۲۰۲۳»ده آذربایجانی «تل می مور» ماهنی‌سی ایله تورال و توران باغمانوو قارداشلاری تمثیل ائدیر.

مسابیقه اجتماعی تلویزییانین افیرینده جانلی یاییملاناجاق.