قیرخ ایللیک سیاحتیم، خبرلری ایشیقلاندیردیغیم مدت عرضین‌ده یوزلرله اؤلکه‌ده بیر چوخ سیاستچی، پرزیدنت، اؤلکه‌لرینه تأثیر ائتمیش قادین و کیشیلرله تانیش اولموشام. پرزیدنت حیدر علیئوله ۹۰-جی ایللرده دفعه‌لرله گؤروشمک و مختلیف واختلاردا اونو مشایعت ائتمک شرفینه نایل اولموشام.

Axar.az خبر وئریر کی، بو سؤزلری گونئی آذربایجان اصیل‌لی تانینمیش فرانسیز فوتوگراف رضا دقتی اولو اؤندر حیدر علیئوله باغلی اینستاگرام صحیفه‌سین‌ده‌کی پایلاشیمیندا قید ائدیب.

فوتوگراف پایلاشیمین‌دا حیدر علیئوله باغلی چکدیی فوتولارین ایلک دفعه نماییش ائدیلدیینی دقته چاتدیریب:

«او، مئدیایا همیشه یوکسک مناسیبت بسلییردی و منیمله تئز-تئز صحبتلر آچیر، ایشیمله باغلی چوخلو سواللار وئریردی. پرزیدنت حیدر علیئو اوزاق گؤرن صولح آدامی و معاصر آذربایجانین قوروجوسو ایدی. اومید ائدیره‌م، حیدر علیئوین آذربایجانا اولان بؤیوک سئوگیسینی بو شکیللرده گؤرجکسینیز. آذربایجان تاریخینین بیر پارچاسی اولان بو فوتوشکیللری آذربایجان خالقینا تقدیم ائدیره‌م".

قید ائدک کی، رضا دقتی ۱۹۸۷-جی ایلدن بو گونه قدر آذربایجان‌دا تاریخی فوتوشکیللر چکیب. بو شکیللر محاربه،مناقیشه‌لر، قاچقینلار، مدنیت، منظره، طبیعت، اینسانلار، سیاست و گؤزللیک مؤوضولارینی احاطه ائدیب.

Bu gönderiyi Instagram'da gör

Reza Deghati (@rezadeghati)'in paylaştığı bir gönderi