ارمنیستان رسپوبلیکاسینین آذربایجان خالقینا مخصوص مادی-مدنیت عابده‌لرینین یئر اوزوندن سیلینمه‌سی ایله باغلی دولت سوییه‌سینده آپاردیغی سیاستی داوام ائدیر. بئله عابده‌لردن بیری حاضردا ارمنیستاندا آرارات مرزینین گتازات کندی (قمرلی رایونو، آغجاقیشلاق کندی) یاخینلیغیندا گیزله‌دیله‌رک محو ائدیلیر.

Kult.az خبر وئریر کی، بو باره‌ده «ایروان شهرینده آذربایجان میللی-مدنی، تاریخی ارثینین سونونجو قالیغی تپباشی محله‌سینین تالعی: ارمنیستاندا آذربایجان خالقینین ارثینین داغیدیلماسی و تاریخی ایزلرین سیلینمه‌سی» اوزره آراشدیرمانین مؤلفی، تاریخچی سبوحی حسینوو قید ائدیب.

تاریخچی توربه‌نین ۱۲-جی-۱۴-جو عصرلره عایید اولدوغونو یازیب:

«بو گونه قدر نه آذربایجان، نه ده ائرمنیستان تاریخ‌شناسلیغین‌دا عابده‌یه عایید علمی تدقیقاتلارا راست گلینیب. بیزه معلوم اولمایان، حتی ارمنی اجتیمایتیندن ده گیزلدیلمیش یئنی عابیده‌نی اؤز دؤورونه اویغون اولاراق سلجوقلو توربه‌سی آدلاندیرماغی تکلیف ائدیره‌م. ایروان توربه‌سین‌دن سونرا تورک ایزینین ثبوتو اولاجاق بو عابده‌دن ارمنی عالیملری ۲۰ ایلده‌ن چوخدور خبردار اولسا دا، اونون اوزری اؤرتوله‌رک گیزلدیلیب».

حسینوو بیلدیریب کی، اول ارمنی اجتیماعیتی اراضی‌ده مصر و مکسیکا پیرامیداسینین اولدوغونو ادعا ائدیب:

«ارمنیستان میللی علملر آکادمییاسی آرخیولوگییا و اتنوگرافییا اینستیتوتونون ایکی آرخیولوقو نالبندیان و آلکسانیان اراضییه باخیش کئچیردیکدن سونرا تپه‌نین طبیعی اولدوغو بیلیندی. همچینین، تپه‌نین اوزرینده یالنیز سردابه‌سی قالمیش عابیده‌نین سلجوقلو تورک توربه‌سی اولدوغو معلوم اولدو. بو باره‌ده حسابات یازیلاراق ارمنیستانین موافیق اورگانلارینا تحویل وئریلیر. بوندان سونرا عابیده‌نین باسدیریلماسینا دایر تاپشیریق گلیر. مسئله او حده چاتمیشدی کی، آرخیولوگییا و اتنوگرافییا اینستیتوتونون دیرکتورو آوتیسیان آچیقلاما وئره‌رک، ارمنیلری ساکیتلشدیرمه‌لی و تپه‌نین طبیعی اولماسینی مطبوعاتدا دئملی اولور.

چرچیوه‌یه آلدیغیم یئری صونعی پیک گؤرونتولری ایله مشاهده ائد‌رک ۲۰۱۲-۲۰۱۴-جو ایللر آراسیندا اراضی‌ده قازینتی آپاریلدیغینا و یا عابده‌یه مداخیله ائدیلدیینه دایر فاکتلار توپلامیشام».