تبریز بازاری کومپلک‌سینین تاریخی ۱۰-جو عصره گئدیب چیخیر. تجارت کاروانلاری ایرانین چابهار لیمانیندان ملاری آلیب کاروانلا قفقازا، روسییایا، شرقی آوروپایا ساتماغا آپاریریبلار.

Kult.az خبر وئریر کی، ماللار اساساً ایپک پارچادان، مختلیف داوالاردان، فیل سومویوندن و دیگر نادیر اشیالاردان عبارت اولوب.

آیلارلا دوه‌لرله، آتلار و اولاقلارلا یوک داشییان تاجیرلرین و کاروانا محافظه ائد‌ن دسته‌نین استراحته، یولا گؤتورمک اوچون علاوه آتا، اولاغا و دوه‌یه، عینی زاماندا، قیدایا احتیاج اولوردو. بو باخیمدان ساروانلار کاروانی تبریز بازاریندا ایلییر و لازیم اولان احتیاجی اؤدییردیلر. بونا گؤره ده تبریزین بازار کومپلکسی کاروانسارای، حمام، مسجید، سو آنباری، آتلارین ساخلانیلماسی اوچون بؤیوک تؤوله‌دن و مختلیف صنعتکارلیق اعمالاتخانالاریندان عبارت اولوردو. کاروانلار تبریز بازاریندا ایله‌یه‌رک بورادا آتلارین نالینی دییشیر، حمام‌دا یویونور و یول اوچون سو و ارزاق احتیاطی گؤروروردولر.

مونقوللار ۱۳-جو عصرده ایرانی ایشغال ائد‌رک بورادا الخانیلر دولتی یارادیبلار. قازان خان تبریزی دولتین پایتختی اعلان ائتدی. تبریز بازارینین آغقویونلو و قاراقویونلو دولتلری دؤورونده ده اهمیتی یوکسک اولوب. بازار ۱۲-جی عصرده باش وئرن زلزله زامانی داغینتیلارا معروض قالیب. لاکین قاجارلارین حاکمیتی دؤورون‌ده معمارلار بازاری برپا ائدیبلر.

تبریز بازاری حاقین‌دا دؤورون مشهور سییاهلاری بیلدیریبلر کی، بازار او قدر بؤیوک و محتشم ایدی کی، هامی بورایا توپلاشیردی. پادیشاهین فرمانلاری محض بازار میدانین‌دا اوخوناراق خالقا چاتدیریلیردی. ان کاسیب آداملار دا بازارا گله‌رک بورادا ایشله‌ییب پول قازانماغا جان آتیردیلار.
بعضا اینسانلار بورایا آلیش-وئریشه یوخ، ساده‌جه اولاراق چای و قهوه ایچمه‌یه گلیرلر.

حاضردا کومپلکس اؤزون‌ده ۳ مینه یاخین حجره، دوکان و ماغازا، ۲ نؤوبه‌لی ایش رژیمی، ۱ قرارگاه (دفترخانا)، ۲ مسجید، ۱ سوپرمارکت، ۳ دهلیز، ۲ حمام، ۱ مکتب و ۱۰۰ یاخین مارکتلری بیرلشدیریر. تبریز بازارینین یئرینه یئتیردیی فونکسییالاری تکنولوگییا، دیستریبوتورلوگ و ساتیش ساحه‌لرینه عایید ائتمک اولار. تبریز بازار کومپلکسی دونیانین ان بؤیوک اونیورسال بازارلاریندان بیری کیمی تانینیر و یونسکو-نون عموم‌دنیا ارث سیاهی‌سینا داخیل ائدیلیب. بازار بو گون ایرانین شرقی آذربایجان ویلایتینین اقتصادی مرکزی حساب اولونور. بونا باخمایاراق، تأسف کی، بو گون بازارین بیر حیصه‌سینین اوچوب-داغیلمیش وضعیت‌ده اولدوغو دئییلیر. ملا رژیمی تبریز بازارینی باخیمسیز وضعیته سالیب و مین بیر بهانه ایله اونو تمیر ائتمکدن یایینیر. بوتون دونیانین ماراغیندا اولان تبریز بازارینین قصداً بو وضعیته سالیندیغینی حساب ائد‌ن آذربایجانلیلار بیلدیریبلر کی، ملا رژیمی بونونلا آذربایجان خالقینین اتنوگرافیک، معمارلیق ارثینی سیلمک ایستییر. دونیانین ان بؤیوک اؤرتولو بازاری کیمی تانینان تبریزین بؤیوک بازارین‌دا ۲۰۱۹-جو ایلین مای آیینین ۸-ده گئجه ساعتلارین‌دا باش وئره‌ن یانغین نتیجه‌سین‌ده تاریخی بینا و ماغازالارا جدی زیان دییب. گئجه ساعتلارین‌دا تبریز بازارینین «ایکی قاپیلی سارای» بؤلمه‌سین‌ده باشلانان یانغین ائرته‌سی گونون سحر ساعتلارینا قدر داوام ائدیب.