«بو شهرده» لایحه‌سینین رهبری موشفیق عباسووون کماندانین سون کنسرتینده‌کی «میلیونچو شوودا ایرانلی ناظر» آدلی صحنه‌جیینین ایران مدیاسیندا و سوسیال شبکه‌لرین‌ده یاراتدیغی رزونانسا باغلی Kult.az-آ مصاحبه‌سی:

- صحنه‌جیک ایراندا بؤیوک عکس-صدا دوغوردو، ایران مدیاسی آلت یازی ایله ویدئونو تیراژلاییر. صحنه‌جیین بو درجه‌ده قالماقالا چئوریلجیینی گؤزلییردینیز؟

- آچیغی، بیلمیرم اوردا نه باش وئریر. صحنه‌ده اولان سواللارین جوابلارینین هر بیری حقیقتدیر. بیز، ساده‌جه، هامینین بیلدیی فاکتلاری صحنه‌لشدیرمیشیک. گونئی‌لیلر بیلیر کی، تبریز قدیم آذربایجان شهری‌دیر. ایراندا عرق ایچیلیر، متامادی اولاراق گیزلی یوللارلا اؤلکه‌میزه نارکوتیک ده داشییرلار. حتی ایراندا عرق ساتیشی ایله مشغول اولانلارین ارمنی اولدوغونو دا بیلیرلر. او دا آیدیندیر کی، محاربه واختی ایران ارمنیستانی دستکلییردی. تهران رژیمی رسمی اولاراق ارمنیستانی قارداشی آدلاندیرمیشدی. ایران رژیمینین ارمنیستان و روسیا آراسیندا قالما صحبتی ده حدیقتدیر. مسجدلرده دونوز ساخلایان ارمنیلره ایرانین «قارداش» دئمسی کی هئچ کیمه سرر دئییل! بونلار حقیقت اولدوغو حالدا نه اوچون ایران مدیاسینین ناراضیلیغینا سبب اولوب؟ عادتا، گیزلی اولان فاکت اوزه چیخاندا جمعیتده عکس-صدا دوغورور.

- ایران مدیاسی و سوسیال شبکه استفاده‌چیلرینین رئاکسیاسی اصلینده ساتیرانین، یومورون گوجونو گؤستردی…

- البته. بیر مسئله ده وار کی، بو صحنه‌جیی تانینمایان، مشهور اولمایان هر هانسیسا بیر انسان، یا دا گروپ ائتسیدی، ایران طرفدن هئچ بئله رئاکسیا گلمزدی. صحبت ایزلییجی کوتله‌سیندن گئدیر. ویدئو دونن قویولدو و ترنده دوشدو. دئملی، «بو شهرده» دنیانین هر یئرینده آذربایجانلیلار طرفیندن ایزلنیلیر. آکتیورلاریمیزین اوبرازلارینا ویزوآل اولاراق بو قدر اوخشاماسی صحنه‌جیی داها دا اوغورلو ائتدی. آچیغی، صحنه‌جیی یازاندا کنسرته ایکی گون قالمیشدی. بئله بیر ایدئیا گلدی و یازدیم. بونون ایکینجی حصه‌سی ده رشید دوکتارلا اولاجاق. اوردا آرتیق هئچ بیر سیاسی مؤضوع اولمایاجاق. تام اولاراق معیشت مؤضوع‌سونو احاطه ائد‌جک.

- نؤوبتی کنسرتلرینیزده ده ایرانلا باغلی بئله صحنه‌جیکلری گؤره بیلجییکمی؟

- ماکسیموم چالیشیرام ائله سناریلر یازیم کی، سیاست - غیر-سیاست، فرقی یوخدور، همین سناریلر باخیملی اولسون. ترندده ۱-۲ گون قالان صحنه‌جیک اولماسین. ائله صحنه‌جیکلر حاضرلاییریق کی، ۵، ۱۰، ۱۵ ایل سونرا یئنیدن افیره گئدنده دیگر وئرلیشلردن چوخ باخیلیر. بونون دا سببی اودور کی، سئچیلن مؤضوع اوزون‌عمرلو اولور. سؤزوگئدن صحنه‌جیی گؤتورسک، ۲۰ ایلدن سونرا دا صحنه‌جیک بوگونکو آودیتوریاسینی قورویاجاق، باخیلاجاق. ایرانلا مناسبتلریمیزدن آسیلی اولمایاراق، اونون ایچینده‌کی تاریخی فاکتلار صحنه‌جیی ۲۰ ایلدن سونرا اوچون ده باخیملی ائد‌جک. عینی گولوش و آلقیش یاراداجاق. نویابردا «بو شهرده»نین نؤوبتی کنسرتینه قدر هانسی پروسسلر باش وئررسه، همین حادثه‌یه اویغون ائله بیر صحنه‌جیکله چیخیش ائدریک.