گونئی آذربایجانین آشیق صنعتینده اؤزونه مخصوص مکتبی و اسلوبو ایله سئچیلن، تانینمیش آشیق عبدالله نورینین آنیم گونودور.

Kult.az خبر وئریر کی، عبدالله نوری ۱۹۳۹-جو ایل آپرلین ۳-ده گونئی آذربایجانین قاراداغ محلینین جانانلی کندینده آنادان اولوب.

ارکن یاشلاریندان آشیق موسیقی‌سینه اولان ماراغی و بو ساحه‌ده‌کی استعدادی آشیق خیرالله طرفیندن آشکار ائدیلیب و اونون آشیق موسیقی‌سینین سرلرینه ییه‌لنمه‌سی اوچون خصوصی تعلیم کئچیب.

بیر مدت سونرا گنج عبدالله نوری، آشیق حسین جاوانین یئنی آشیق مکتبینین داوامچیلاریندان بیرینه چئوریلیب.

۱۹۷۶-جی ایلدن ایران اونیورسیتتلرینده باشلایان سیاسی جریانلارلا ماراقلانان عبدالله نوری ، انقلابی مضمونلو ایفالارینا گؤره، قیسا مدتده طلبه‌لر و معلملر آراسیندا خصوصی حرمت قازانیب.

او، صمد بهرنگینین آراز چاییندا بوغولماسیندان سونرا بسته‌لییب و ایفا ائتدیی "آراز،آراز خان آراز" ماهنی‌سینا گؤره سیاسی، ادبی و اجتماعی جریانا منصوب شخصلر آراسیندا خصوصی حرمت قازانیب.

آشیق عبدالله نوری نوری ۲۰-جی عصر گونئی آذربایجان آشیق موسیقی‌سینده انقلابی و سیاسی ایفالاری ایله خالق آراسیندا خصوصی رغبت قازانان آز سایلی صنعتکارلاردان بیریدیر.

او، ساده آذربایجانلیلار، کندچیلر آراسیندا سئویلدیی قدر، پهلوی و ملا رژیمینه قارشی اولان سیاسی چئوره‌لر و ضیالی طبقه آراسیندا دا بینیلیب، حرمتله قارشیلانیب.

اونون انقلابی مضمونلو ایفالاری آذربایجان آشیق موسیقی‌سینین، دیل و ادبیاتینین قورونوب ساخلانیلماسی ایله یاناشی، کوتله‌لرین هر ایکی حاکم رژیمه قارشی (شاه و ملا) عصیانیندا اهمیتلی رول اویناییب.

او، هم‌ده آذربایجان شفاهی خالق ادبیاتینین قورونوب ساخلانیلماسی و یئنی نسله چاتدیریلماسیندا امیی اولان شخصیتلردندیر.

قوجامان آشیق ۲۲ مای ۲۰۰۳-جو ایل ایلده ۶۴ یاشیندا دنیاسینی دییشیب.

یاشیلدیر باشین اؤردک
آلدیر قوماشین اؤردک
همیشه جوت گزردین
هانی یولداشین اؤردک