ایشیمیزین ماراق‌لی و چتین طرفلری وار. سؤزلری و موسیقی‌سی یاخشی اولان ماهنیلار تاپماق آسان دئییل.

بو سؤزلری Kult.az-آ گونئی‌لی موسیقی‌چی و آرانژیمان‌چی هادی موکاری ماهنیلارین رقامسال موسیقی ترتیباتی حاقین‌دا دانیشارکه‌ن دئییب.

«معاصر کومپوتئر تکنولوگییاسی ایشیمیزی آسانلاشدیریب. عادتا، موغه‌ننیلر آرانژیمانچیلارا نیسبتا داها چوخ تانینیر. ایستودییامیزا مراجعت ائد‌ن موغه‌ننیلر ایفا ائتمک ایستدیکلری ماهنینین سس ترتیباتینی منه حواله ائدیرلر. من ایسه اونلارین سئچیمینه حرمت ائتسم ده، بعظا، باخیرام کی، بو ماهنی موغه‌ننینین سس امکانلارینا اویغون گلمیر. بو ایشه حساس یاناشیرام، سسی داها یاخشی تانیییرام. ایستیقامت وئریرم، بعظا باشقا ماهنینین اوخونماسینی تکلیف ائدیره‌م. پشه‌کار یاناشیرام و موغه‌ننیلر منه اعتبار ائتدیی اوچون چوخ واخت مصلحتیمی قبول ائدیرلر. سوندا اینسانلار ایشیمیزی بینیر و بیر داها یانیلمادیغیما امین اولورام».

هادی موکاری آذربایجان مدرن موسیقیلرینین انکشاف ائتدیریلمه‌لی اولدوغونو بیلدیریب:

«چوخ تأسف کی، مودئرن موسیقی ژانرلاری بیزده تام فورمالاشماییب. بو ساحه‌نی اینکیشاف ائتدیرمک اوچون یارادیجی بئیین لازیم‌دیر. قونشو اؤلکه‌لره نیسبتا، بو استقامت بیزده هله اینکیشاف ائتمه‌ییب. بونون اوچون گوجلو دستیین اولماسی واجیب‌دیر».

او، قدیم موسیقیلرین و آشیق هاوالارینین معین نورمالار چرچیوه‌سینده رمیکس واریانتدا حاضرلانماسینی مثبت قارشیلادیغینی قید ائدیب:

«من رمیکس موسیقیلری چوخ بیه‌نیرم. بو یئنی فورما خالق موسیقیلریمیزی گنجلریمیزه سئودیرمک باخیمیندان یاخشی‌دیر. بئله‌لیکله، ماهنیلاریمیز یئنی‌دن جانلانیر و اونودولمور. اودور کی، اؤنملی اولدوغونو دوشونوره‌م».

او، قوزئی آذربایجان صنعتچیلری ایله ایشله‌مک آرزوسونو دا دیله گتیریب:

«بیر نئچه‌سی ایله ایشبیرلییمیز اولوب، لاکین تانینمیشلار دئییل. بیزی علاقه‌لندیره‌ن اینسانلار اولمالیدیر. بو زامان محصولدار ایشبیرلییمیز آلینا بیلر".