آذربایجان ساتیریک شعیرینین ان گؤرکملی نماینده‌سی میرزا علکبر صابیردیر. میللی ادبیاتدا تنقیدی رئالیزمین اساس یارادیجیلاریندان بیری کیمی گئنیش شهرت قازانمیش میرزا علکبر صابیر بدیعی فیکیرده همانیزمین و دموکراتیک ایدئیالارین، میللی اویانیش و دیرچلیشین ان فداکار جارچیلارینداندیر. او، ملانصرالدین‌چی ساتیریک شعیر مکتبینین یارادیجی‌سی، تورک-مسلمان دونیاسیندا ساتیریک شعیرین قدرتلی تمثیلچی‌سی کیمی تانینیر.

بو سؤزلری Kult.az-آ «اولدوز» ژورنالینین باش رئداکتورو، آذربایجانین امکدار ژورنالیستی قولو آغسس میرزا الکبر صابیر حاقین‌دا فیکیرلرینی بؤلوشرکن دئییب.

او، صابیر یارادیجیلیغینین گئنیش و چوخشاخه‌لی اولدوغونو بیلدیریب:

«اؤتن عصرین اوللرینده بیر شاعر وار ایدی. کلاسسیک شعیرین، غزلیاتین تک صبر گتیردیی یئردن باشلامیشدی اونون یارادیجیلیغی. او، گؤزونون قاباغین‌دا اینله‌یه‌ن اینسانی قویوب داغدا گول درمه‌یه، بولبولون سولو کنسرتینه قولاق آسماغا مئییلله‌نمه‌دی: صابونونو بیشیریب، ساتیراسینی یازدی. تک صابیر صدفلرینین آغلادیغینا دوداق بوزدو، عروزون دامارلاریندان آشیق قانی عوضینه مازوت، نفت آخیتدی. او، آذربایجان شعیرین‌ده یئنی بیر مکتبین تملینی قویدو، هیمنینی اوخودو. غزلین قولوندان دارتا-دارتا اونو شاه ساراییندان کندلی تؤوله‌سینه، فهله گئجه‌قوندوسونا گتیریب سالدی. اونا آغیز ایدیلر، لاغا قویدولار - اما تک صابیر اولدوغونو دانا بیلمه‌دیلر".

او، صابیرین بیوگرافییاسینا دا نظر سالیب.

"۳۰ مای ۱۸۶۲-جی ایل تاریخده آذربایجانین اساس مدنیت مرکزلریندن اولان شاماخیدا آنادان اولان شاعر کیچیک یاشلاریندا ایکن ملاخانا مکتبینده عرب، فارس دیللرینی اؤیرنیب، شرق ادبیاتی نمونه‌لری ایله تانیش اولماق ایمکانی قازانیب. ملاخانا مکتبلرینین سرت رژیمی، تدریس اصوللاری گنج علکبری راضی سالماییر. تخمیناً ۱۰-۱۱ یاشلاریندا یازدیغی «توتدوم اوروجو ایرماضاندا» شعیری اونون کیچیک یاشلاریندان جمعیتده‌کی پروسئسلری درک ائتمه‌یه چالیشدیغینی، یئنی‌لشمه‌یه جان آتدیغینی گؤستریر.

صابیر آذربایجانین بؤیوک خالق شاعری، وطن‌سوور متفکری و اجتماعی خادیمی‌دیر. او، میللی ادبیاتین، خاقانی، نظامی، فضولی، ودادی، واقیف، آخوندوو، سید عظیم کیمی کلاسسیکلرین، چوخ عصرلیک شرق پویزییاسینین قاباقجیل عنعنه‌لری اوزرینده یئتیشیب کمالا چاتیب. صابیرین «هوپ هوپ نامه» آدی ایله تانینان شعیر کیتابی رئالیست ادبیاتیمیزین گؤزل نمونه‌سی، میللی بدیعی فیکرین بؤیوک عابده‌سیدیر.

صابیر، ساتیرا، صابون...بو اوچ سؤز هله بیزی چوخ تمیزلییه سسله‌یه‌جک!».