ایرانین مدنی ارث و تاریخی عابده‌لر قورومونون لاقیدلی سببیندن گونئی آذربایجانین مرند بؤلگه‌سینده یئرلشن اورارتو دؤورونه عائد یالدور قالاسی محو اولماق تهلوکه‌سی ایله اوزلشیب.

Kult.az خبر وئریر کی، بو باره‌ده گوناز تی‌وی معلومات یاییب.

قید اولونوب کی، بو قدیم تاریخی قالانین ۶۰۰۰ ایل یاشی وار. متخصصلرین سؤزلرینه گؤره، معاصر دؤورده بئله عابده‌لرین یئرلشدیی بؤلگه توریزم زوناسینا چئوریلیر، بورایا توریستلرین جلب ائدیلمه‌سی اوچون تدبیرلر گؤرولور.

اونلارین فکرینجه، فارس اولمایان ملتلرینین تاریخینه ائتیناسیز یاناشان تهران رژیمینین بؤلگه‌ده‌کی تمثیل‌چیلری ایسه یالدور قالاسینی دقتدن کنار قویوبلار.

بیلدیریلیب کی، عابده اورارتو دؤورونده تیکیلیب و همین اراضی‌ده ۲۲ قالانین قالیقلاری وار.

تاریخی معلوماتلارا اساساً، یالدور قالاسی آشوریا کرالی ۲-جی سارقونون هجومو نتیجه‌سینده داغیلیب. روسیالی شرق‌شوناس ولادیمیر مینورسکی اورادا یئرلشن مانداقارنا آتشگاهینین دا اورارتو دؤورونده گیل کرپیجدن تیکیلدیینی و قالا کمپلکسینه داخل اولدوغونو یازیب. مینوریسکی حساب ائدیر کی، آتشگاه ۲-جی سارقونون مرنده هوجومو زامانی معین قدر داغیدیلیب.

خاتیرلاداق کی، مرند بؤلگه‌سی گونئی آذربایجانین شرقی آذربایجان ایالتینده یئرلشیر.