بوگونکو ارمنیستان رسپوبلیکاسینین آرارات مرزینده، تاریخی آذربایجان تورپاقلارینین بیر حیصه‌سین‌ده یئرلشن کندلریمیزیندن بیری ده خالصه کندیدیر. ایستر غرب، ایسترسه ده روسییانین آرخیو سندلرینده خالصه کندینین اتنیک ترکیبینین ۱۹۱۸-۱۹۲۰-جی ایللردک یالنیز آذربایجانلیلاردان عبارت اولدوغونو گؤره بیلریک.

Kult.az خبر وئریر کی، بو باره‌ده «ایروان شهرینده آذربایجان میللی-مدنی، تاریخی ارثینین سونونجو قالیغی تپه‌باشی محله‌سینین تالعی:ارمنیستان‌دا آذربایجان خالقینین ارثینین داغیدیلماسی و تاریخی ایزلرین سیلینمه‌سی» اوزره آراشدیرمانین مؤلفی، تاریخچی سبوحی حسینوو قید ائدیب.

تاریخ‌چی بیلدیریب کی، ارمنیلرین کنده ۲۰-جی عصرین ۲۰-جی ایللریندن یئرلشدیریلمه‌سینه باشلانیلیب:

«۱۹۲۸-جی ایلده یئرلشدیریلن ارمنی عائله‌لری (مورادیانلار) حلبدن گتیریلمیشدی. بوندان سونرا اونلار آذربایجانلیلارلا بیرلیکده یاشاماغا باشلادیلار. ۱۹۵۳-جو ایلده خالصه کندینین آذربایجان‌لیلارینین بیر حیصه‌سی، داها دقیق ۲۴۹ نفر آذربایجانلی آذربایجان اس.اس.ار-این ژدانوو رایونونا (ایندیکی بیلقان رایونو) دپورتاسییا ائدیلیر. نهایت، یئرلی اهالی اولان آذربایجانلیلار ۱۹۸۸-جی ایلده دوغما کندلریندن زورلا چیخاریلیر و کندین آدی ارمنیلر طرفین‌دن ۱۹۹۱-جی ایلده نویاکرت اولاراق دییشدیریلیر. آشاغیداکی سند ارمنیستانین تاریخ آرخیوینده ساخلانیلیر. سندین یوخاریدان سولدا اولان حیصه‌سینه و اوزرینده قید ائدیلمیش درکنارا دقت ائدک. هر ایکی یازی آذربایجان دیلینده‌دیر. سند خالصه کندینه گؤندریلن خاریجدن گتیریلن ارمنیلرین یئرلشدیریلمه‌سی حاقیندادیر.

سندین بیزه وئردیی ان اساس معلومات اوندان عبارتدیر کی، خالصه کندی ارمنیستان اس.اس.ار-این اراضی‌سینده اولسا بئله، حتی ۱۹۲۸-جی ایلده رسمی بلانکیندا آذربایجان دیلینده ده یازیسی («...وئدی باسار ناحییه‌سینین خالصه کند شوراسی») واردی و درکنارلاری آذربایجان دیلینده (او زامان تورک دیلینده) یازیردیلار».