پروفسور عاییدا قاسیمووا رپرئسییا شاعری میکاییل موشفیقله باغلی اولدوقجا ماراقلی فاکتلار پایلاشیب.

Kult.az خبر وئریر کی، پروفسور فیسبوک صحیفه‌سین‌ده مرحوم یازیچی علیبالا حاجی‌زاده ایله اولان خاطره‌لرینی یازیب:

«من ۲۰۰۴-جو ایلده سعودییه عربیستانینین «ال-فیصل» ژورنالین‌دا نشر اولونموش «قیرمیزی ترور قوربانلاری» آدلی مقاله‌م اوچون ماتریال توپلایارکه‌ن مرحوم یازیچیمیز علیبالا حاجیزادنین موشفیقله باغلی سؤیلدیی بیر احوالاتی دا او یازییا داخیل ائتمیشدیم. همین یازیمی آذربایجان دیلینه چئویرمک فیکرینده‌یه‌م. هله‌لیک ایسه موشفیقله باغلی بو احوالاتی، آکادمییانین حیطین‌ده علیبالا معلم‌دن ائشیتدییم کیمی، آذربایجان اوخوجوسونا چاتدیرماق ایستردیم. علیبالا حاجی‌زاده دئمیشدی:

«بیر دفعه هله سووئت دؤورونده دنیز کنارین‌دا دوستلاریملا بیر کافه‌ده اوتوروب یئییب-ایچیر، صحبت‌لشیردیک. یاخینلیقداکی ایستولون آرخاسیندا حدین‌دن آرتیق کدرلی گؤرکهمی اولان بیر کیشی ایلشمیشدی. قارشیسیندا بیر شوشه آراق و بیر آز دا کالباسا وار ایدی. من اؤز ایستولوموزدان اونا کباب و بیر چوخ باشقا یئمکلر گؤندردیم. او، الی ایله اشاره ائدیب منی یانینا چاغیردی و سوروشدو: «بیلیرسن من کیمه‌م؟» دئدیم: «یوخ». دئدی: «موشفیقی من اؤلدورموشم». سونرا او نئچه ایللردیر قلبینی پارچالایان بیر سیرری آچیرمیش کیمی دئدی: «همین گون منی آپاریب ایکی استکان آراق ایچیرتدیلر. سونرا منی موشفیقین اولدوغو کامئرایا آپاردیلار. موشفیق دیوارا سؤیکنیب حیرت و دهشت دولو گؤزلری ایله منه باخیردی. نه قدر چالیشسام دا، بو گؤزلرین تأثیرین‌ن تتیمی چکه بیلمیردیم. من اونا: «زاکروی گلازا!» (گؤزلرینی یوم – رئد.) – دئیه قیشقیردیم و بوتون ایراده‌می توپلاییب تتیکی سیخدیم. موشفیق قان ایچریسینده یئره ییخیلدی. تورمه ایشچی‌سی یاخینلاشیب اونون اؤلدویونه امین اولدوقدان سونرا دیوارداکی دویمه‌نی باسدی. بو زامان موشفیقین دایاندیغی یئرده دؤشه‌مه آرالاندی، سو شیریلتیلاری ائشیدیلدی، خزرین سولاری قانا بویاندی و موشفیقی چکیب آپاردی. او واخت‌دان من موشفیقین گؤزلرینی اونودا بیلمیرم».

قید ائدک کی، رپرسییا قربانی اولان آذربایجانین گؤرکملی شاعری میکاییل موشفیق ۶ یانوار ۱۹۳۸-جی ایلده، ۲۹ یاشیندا گولللنیب.