آمریکانین نیو-یورک شهرینده آذربایجان ملی خالچالارینین سرگیسی کئچیریلیب.

Kult.az خبر وئریر کی، "داوام ائتدیریلن عنعنه" آدلی آلتیندا کئچیریلن سرگی آذربایجانین آمریکاداکی سفیرلیی و واشینگتوندا فعالیت گؤسترن آمریکا-آذربایجان تجارت پالاتاسینین بیرگه تشکیلاتچی‌لیغی، نیو-یورکداکی "تورک ائوی"نین ائو صاحبلیی ایله باش توتوب.

سرگیده آذربایجانین آمریکا بیرلشمیش اشتاتلاریندا فوق‌العاده و صلاحیتلی سفیری خزر ابراهیم، تورکیه‌نین نیو-یورکداکی باش کونسول ریحان اؤزگور، آمریکا-آذربایجان تجارت پالاتاسینین اجراچی دیرکتورو ناتیق باخیشوو، آمریکادا فعالیت گؤسترن تورک و آذربایجانلی دیپلماتلار، هر ایکی قارداش اؤلکه‌نین دیاسپور آکتیولری و یئرلی اجتمایتین نمایندلری اشتراک ائدیبلر.

سفیر خصوصی ذوقله و ال امیی ایله عرصیه گلن آذربایجان خالچالارینین دنیادا تانیندیغینی دئییب. ابراهیم آذربایجان خالچالارینا آمریکالیلارین بؤیوک ماراق گؤسترمه‌سیندن سئوینج حسی کئچیردیینی وورغولاییب.

داها سونرا قوناقلار قاراباغ، گنجه-قازاخ، قوبا-شیروان و تبریز خالچاچیلیق مکتبلرینه عائد مختلف اؤلچولو یون و ایپک خالچالارین نمایش اولوندوغو سرگینی گزیب، خالچالار باره‌سینده اطرافلی معلومات آلیبلار.