بو گون اس.اس.ار.ای خالق آرتیستی، دؤلت موکافاتلاری لاورئاتی، گؤرکملی موغه‌ننی رشید بهبودووون وفاتیندان ۳۴ ایل اؤتور. اونون صنعتی آذربایجان موسیقی تاریخینه ان شرفلی صحیفه‌لردن بیری کیمی حک اولونوب. دونیا موسیقیلی تاریخینین افسانه‌سی، سسی، ایستعدادی و خاریجی گؤرونوشونون گؤزللیگی ایله مختلیف اؤلکه‌لردن میلیونلارلا اینسانی فتح ائد‌ن نادر موغه‌ننی، آکتیور، خالقین سئویملی‌سی رشید بهبودوو! اونون آدی آذربایجان و دونیا مدنیتی تاریخینه ابدی اولاراق قیزیل حرفلرله یازیلیب.

بو سؤزلری Kult.az-آ آچیقلاماسین‌دا آذربایجان رسپوبلیکاسینین خالق آرتیستی، آذربایجان بسته‌کارلار اتفاقینین عضوو و رشید بهبودوو آدینا ماهنی تئاترینین آرت-دیرکتورو سالمان قنبروو دئییب.

او، رشید بهبودووون صنعتینه تأثیر ائد‌ن عامللردن دانیشیب:

«۱۹۱۵-جی ایلده تبی‌لی‌سی‌ده خواننده مجید بهبودووون عائله‌سینده دونیایا گؤز آچان صنعتکار کیچیک یاشلاریندان مکتب خوروندا اوخویوب، ائله او ایللردن اؤز ایستعدادینی بیروزه وئریب. سونرالار مختلیف اؤزفعالیت اورکسترلرین‌ده چالیشیب. حربی خیدمت زامانی اوردو آنسامبلینین، عسگرلیک ایللریندن سونرا ایسه تیفلیسی استرادا گروپلاریندان بیرینین سولیستی اولوب".

خالق آرتیستی بیلدیریب کی، ر . بهبودووا «آرشین مال آلان» فیلمی مشهورلوق گتیریب:

"ایلک بؤیوک مشهورلوق اونا ۱۹۴۳-جو ایلین سونون‌دا باکی کینوستودییاسین‌دا اوزییر حاجیبیلینین عینی آدلی اوپرتاسینین موتیولری اساسیندا چکیله‌ن «آرشین مال آلان» فیلمینده باش رولا دعوت آلاندان سونرا گلدی. ۱۹۴۵-جی ایلده افیره چیخان فیلم تئزلیکله نینکی آذربایجاندا، بوتون اس.اس.ار.ای مکانیندا بؤیوک پوپولیارلیق قازاندی. ۱۹۴۶-جی ایلده بو فیلمده‌کی عسگر رولونا گؤره رشید بهبودوو ایستالین مکافاتینا لاییق گؤرولدو. عسگر اوبرازینی یارادان موغه‌ننینین شیرین و کؤنول اوخشایان سسی هر بیر دینلییجینی واله ائتدی. آذربایجان کینوسونون قیزیل فوندونا داخیل اولان همین فیلمدن سونرا سئویملی موغه‌ننینین سسینی اشیتمک آرزوسوندا اولانلارین سایی گوندن-گونه آرتدی. بئله‌لیکله، بو روللا اونون اولدوزو بیر داها سؤنمه‌مک اوزره ابدی اولاراراق پارلادی".

او، رشید بهبودووون موسیقی صنعتی، عمومیتله اینجه‌صنعت اوچون گؤردویو ایشلره ده توخونوب:

"ایفاچیلیق‌دا خالق یارادیجیلیغینی، ووکال صنعتینی، ائسترادا ژانرینی سینتز ائد‌ن رشید بهبودوو بنزرسیز سسی، ظاهری گؤرکمی و آکتیورلوق ایستعدادی ایله دینلییجینین و تماشاچینین قلبینی اووسونلایان ایفاچیلارداندیر. او، ایستعدادی ایله آذربایجان ماهنی‌سینین، موسیقی‌سینین، مدنیتینین گؤزللیینی دونیایا نماییش ائتدیرن، یول آچان، خالقلاری دوستلوق تئللری ایله باغلایان بیر وطنپرور اینسان ایدی. ۱۹۶۶-جی ایلده‌ن موسیقی و ائسترادا صنعتینین جاز، بالت، پانتومیما کیمی مختلیف ژانرلارینی اؤزونده بیرلشدیره‌ن آذربایجان دؤلت ماهنی تئاترینی تشکیل ائدیب، عمرونون سونونادک اونون سولیستی و بدیعی رهبری اولوب. حاضردا بو تئاتر داهی صنعتکارین آدینی داشیییر. رشید بهبودووون صنعتی آذربایجان موسیقی تاریخینه ان شرفلی صحیفه‌لردن بیری کیمی حک اولونوب. اس.اس.ار.ای مکانین‌دا، ائلجه ده دونیانین آیری-آیری قیطعه‌لرینده میلیونلارلا دینلییجینین قلبینی فتح ائد‌ن صنعتکار گئتدیی هر یئرده آذربایجان موسیقی‌سینین، اونون زنگین مدنیتینین یورولماز تمثیلچی‌سی و تبلیغاتچی‌سی ایدی".

خاطیرلاداق کی، ۱۹۸۹-جو ایل ایونون ۹-دا مسکوادا وفات ائتمیش داهی صنعتکار باکی‌دا فخری خیاباندا دفن ائدیلیب.