مشهور هلیوود آکتیورو آرنولد شوارتسنگر آتاسینین ناسیست اولدوغونو و لنینگرادین بلوکاداسیندا اشتراک ائتدیینی اعتراف ائدیب.

Kult.az خبر وئریر کی، بو باره‌ده آکتیور "نتفلیکس"این یئنی "آرنولد" سندلی فیلمینده بیلدیریب.

۷۵ یاشلی شوارتسنگر آوسترییانین کیچیک تال کندینده قارداشی مینهاردلا بیرلیکده بؤیودویونو سؤیله‌ییب:

«بیزیم تربیه‌میز چوخ چتین اولوب. ائوده چوخ زوراکیلیق اولوب. والدینلریمیز بیزی دؤیوردولر».

آرنولد آناسی آنا آورلییانین "تمیزلیک فاناتیکی" اولدوغونو، آتاسی قوستاوین دا ۲-جی دنیا محاربه‌سی زمانی ناسیست فونکسیونری اولدوغونو بیلدیریب. ورماختدا خدمت ائدیب و لنینگراد یاخینلیغینداکی جبهه‌ده یارالانیب:

"دیگر ناسیست عسگرلری کیمی او دا محاربه‌دن سینیق-سالخاق قاییدیب. اولا بیلسین کی، او، تراوما سونراسی ایسترسس پوزغونلوغوندان و دپرسسیادان اذیت چکیردی".

اونون سؤزلرینه گؤره، آتا اوشاقلاری کمرله دؤیور و تئز-تئز آچیق شکلده شیزوفرنیک داورانیش نمایش ائتدیریردی.
اوشاقلیقدا قارداشلار ائوه کیمین قاییداجاغینی بیلمیردیلر: «یاخشی آتا»، یوخسا «سرخوش آتا».