آذربایجان میللی علملر آکادمیاسینیننین نظامی گنجوی آدینا ادبیات اینستیتوتو ۲-جی تورک دونیاسی ادبیات و کیتاب فستیوالی چرچیوه‌سینده «گونئی آذربایجان و تورک دونیاسی» مؤوضوسوندا پانل تشکیل ائدیب.

بو باره‌ده Kult.az-آ تدبیره قاتیلان گونئی‌لی معروضه‌چیلر معلومات وئریب.

معلوماتا گؤره، پانلین مودراتورو جنوبی آذربایجان شعبه‌سینین باش علمی ایشچی‌سی، فیلولوگییا علملری دوکتورو اسمیرا فواد گونئی آذربایجان ادبیاتی حاقین‌دا معلومات وئره‌رک قوناقلاری تقدیم ائدیب.

پانل‌ده جنوبی آذربایجان‌دان اولان شاعرلر چیخیش ائدیب.

گونئی‌لی ژورنالیست و شاعر مسعود هارای، چیخیشیندا ایران‌دا یاشایان آذربایجانلیلارین پروبلملرین‌دن ده بحث ائد‌رک، مؤوجود بوتون مانعه‌لره باخمایاراق ادبیاتچیلارین اینادلا مباریزه آپاردیغینی وورغولاییب.

ایسوئچده مهاجیر حیاتی یاشاماغا محکوم ائدیله‌ن گونئی‌لی ترجمه‌چی و پوبلیسیست عبدالله امیر هاشمی جوانشیر گونئی آذربایجاندا یارانان ادبیاتین اساس مؤوضولاریندان بیرینین مجادیله و میللی کیملیک اولدوغونو دقته چاتدیریب.

گونئی‌لی تدقیقاتچی عالیم محمد رحمانیفر ایراندا آذربایجان تورکو اولان شاعرلرین کیتاب چیخارماغینین پروبلملری مسئله‌سینه ده توخونوب. شاعرلر عینی زاماندا میللی روحلو شعیرلر ده سسلندیریبلر.