گونئی‌لی شاعر مفتون امینینین دوغوم گونودور.

Axar.az خبر وئریر کی، یدالله امینی ۱۹۲۶-جی ایلده گونئی آذربایجانین سایین‌قالا (شاهیندژ) بؤلگه‌سینده آنادان اولوب.

اوشاق ایکن عائله‌سی ایله بیرگه تبریزه کؤچوب و اورتا تحصیلینی اورادا آلیب. سونرا تهران اونیورسیتتینین حقوق فاکولته‌سینی بیتیریب، اوزون ایللر عدلیه ارگانلاریندا چالیشیب.

او، محمد حسین شهریار، صمد بهرنگی و ایرانین تانینمیش یازیچی و شاعرلری، او جمله‌دن جلال آل احمدله یاخین مناسبتده اولوب.

امینی جنوبی آذربایجان ملی حکومتی دؤورونده دفعه‌لرله پیشوری ایله گؤروشوب و ملی حکومتین اونون آذربایجان دیلینده یارادیجیلیغینی گئنیشلندیرمه‌سینده بؤیوک تأثیر بوراخیب.

شاعرین آذربایجان تورکجه‌سینده یازدیغی "آشیقلی کاروان" پوئماسی گونئی آذربایجانلی ادبیاتچی و شعرسئورلر آراسیندا داها چوخ تانینیب.

یدلله مفتون امینی ۱۰-دان چوخ ادبی اثرین مؤلفیدیر.

او، ۱ دکابر ۲۰۲۲-جی ایلده ۹۶ یاشیندا دنیاسینی دییشیب.

"و بیر دفعه بئله...

تانیش اولدوق
خیالیمیزا گلمه‌ین
بیر یئرده و واختدا
بیر نئچه آن دایاندیق اوز-اوزه
سونرا آیریلدیق آرخا-آرخایا
بئله‌جه اوزاقدان یاخین اولدوق
دانیشدیق گؤروشمه‌دن
سونرا ایکی-اوچ دفعه
گؤروشدوک دانیشمادان
و ایستدیک کی، یئنه
اوزاقدان یاخین اولاق
اما داها اولمادی
آخیری
اوزاق اولدوق یاخیندان..."