آذربایجان سیاسی لکسیکونوندا سون واختلار داها تئز-تئز سس‌لنه‌ن «غربی آذربایجان» ترمینی ارمنیلری ناراحات ائتمه‌یه باشلاییب. چونکی اؤزلری ده بیلیرلر کی، غربی آذربایجان‌داکی تاریخی یئر آدلاری، عابده‌لر، مسجیدلر هامیسی آذربایجانلیلارا مخصوصدور و بوتون بونلار ارمنیلرین گلمه اولدوغونو ثبوت ائدیر.

بونا جواب وئرمه‌یه و آذربایجان‌لیلارین «ادعالارینی» تکزیب ائتمه‌یه چالیشیرلار و...

ایران‌شناس، عالیم، ضیالی و س. اپیتتلری اوزرینده داشییان واردان ووسکانیان یازیر کی، بونو تکزیب ائتمک چوخ آساندیر: «آذربایجان دیالکتلرینین بؤیوک اکثریتینده بینانین، ائوین اؤزولو، تملی کیمی «فوندامنت» سؤزوندن ایستیفاده ائدیلیر؛ «فوندامنت» ایسه تمیز ارمنی سؤزودور، «هیم»، «خیمک» کیمی ارمنی دیالکتلرینده، او جمله‌دن ایروان‌دا ایشلنیر.

«فوندامنت» سؤزو نینکی آذربایجانین اکثر دیالکتلرینده، او جمله‌دن «اشغال ائدیلمیش ارمنی تورپاقلاریندا» – اوردوباد، شرور، ناخچیوان، کلبجر، بورچالی، او جمله‌دن داغلیق شیروانین مرکزی شاماخی‌دا ایشلنیر.

اونا گؤره ده دوشمنین (آذربایجان‌لیلارین) بیزیم اؤلکه‌میزه قارشی بو آمبیسییالاری «فوندامنت»ایندن یالاندیر، «فوندامنت» سؤزونون اؤزو بونو تصدیقلییر».

تصور ائدیرسینیزمی هانسی‌سا بیر عالیم، بیر ضیالی بو جور منطیق‌سیز، گولونج ایفاده‌لر ایشله‌ده بیلر؟

«فوندامنت» – هئچ روس سؤزو ده دئییل، لاتین سؤزودور، «فوندامنتوم»: بینانین، ائوین اؤزولو، تملی کیمی ایشلنیر. روس دیلینین هگمون اولدوغو زامان شفاهی دانیشیقدا ایشله‌نه‌ن روس سؤزلریندن بیریدیر – بونون نه دیالکته عایدیتی وار، نه شیوه‌یه.

روس لغتینده اولان بو لاتین سؤزونه ارمنیلرین ادعاسینا جواب اولاجاق سؤزو ایسه تاپا بیلمیرم. اینسان هانسی صیفت‌ده، هانسی حیاسیزلیقدا اولمالیدیر کی، «فوندامنت» سؤزونون ارمنیلره عایید اولدوغونو دیله گتیره بیلسین.

بو هله ارمنیلرین ایران شناسی‌دیر، اکسپرتیدیر، عالیمیدیر.

ان حیرت آمیزی اودور کی، ووسکانیانین بو سیله‌مه‌سینی ارمنی مئدیاسی لذتله تیراژلاییب، مانشته قالدیریر.

امین اولون کی، بونو یازان و گولونج صرصمله‌مه‌نی تیراژلایان توپلوم نورمال دوشونجه طرزینه مالیک اولا بیلمز.

بونلار یالان خسته‌سیدیر، اوتانماز-قیزارمازدیر، دئدیکلری سؤزون نه قدر گولونج اولدوغونو آنلامادان ایسرار ائدر و آدامی حیرته سالیب، دیلینی لال ائدرلر...