بو گون آذربایجاندا «موغام عالمی» ۶-جی بینالخالق موغام فستیوالی باشلاییر.

Kult.az خبر وئریر کی، ایونون ۱۸-دن ۲۵-دک داوام ائد‌جک «موغام عالمی» ۶-جی بین‌الخالق موغام فستیوالی حیدر علیئو فوندو و مدنیت ناظیرلیینین تشکیلاتچی‌لیغی، علم و تحصیل ناظیرلیینین، آذربایجان ملی کنسرواتورییاسینین دستیی ایله کئچیریلیر.

فستیوالدا اؤلکه‌میزی آپرلین ۲۴-۲۷-ده کئچیریلمیش ملی موغام مسابقه‌سینین قالیبلری تمثیل ائدیر. فستیوال چرچیوه‌سینده باکی، آغجابدی و شوشا شهرلرینده مختلف کنسرتلر تشکیل اولوناجاق.

موسیقی بایرامینا بو گون حیدر علیئو ساراییندا خالق آرتیستی عالیم قاسیمووون، ملی کنسرواتوریادا خالق آرتیستی انور سادیقوو و امکدار آرتیست ائمیل افراسیابین کنسرتلری ایله استارت وئریلجک.

ایونون ۱۹-دا فستیوال بین‌الخالق موغام مرکزی، ملی کنسرواتوریا و داش سالنامه موزه‌یینده آذربایجاندان امکدار آرتیست ائلچین شیرینوو و بیر سیرا موغام ایفاچیلارینین، افغانستاندان داود کهان سادوزای و ایراندان ماهان میرعربین کنسرتلری ایله داوام ائد‌جک.

«موغام عالمی» فستیوالی چرچیوه‌سینده نؤوبتی ایفالار ایونون ۲۰-ده کامرا و ارگان موسیقی‌سی زالی، بین‌الخالق موغام مرکزی، ملی کنسرواتوریادا دینله‌نیلجک. همین مکانلاردا آذربایجاندان خالق آرتیستی سکینه اسماییلووا، بین‌الخالق مسابقه‌لر لاورعاتی اعتبار اسدلی، هندیستاندان واسوماتهی بادریناتهان و ژیوتسنا سریکانته، مالیدن کانکوو کوویاتنین چیخیشلاری اولاجاق.

فستیوالین نؤوبتی گونو – ایونون ۲۱-ده آذربایجان دولت مدنیت و اینجه‌صنعت اونیورسیتتی نزدینده فعالیت گؤسترن «کادنزا» ارکسترینین، پیانو ایفاچیسی تورال رافائلین، ایوردانیادان ماجادی ناههاس، اؤزبکیستاندان ایلیوس آرابوو، تاجیکیستاندان ساردور سولیئوین ایفالاری گؤزلنیلیر.

بین‌الخالق موغام مرکزینده مصردن مصطفی ساید و «آسیل» آنسامبلی، ملی کنسرواتوریادا آذربایجاندان فیرودین حمیدوو، هندیستاندان واریژاسهرئ ونوگوپال، ژیوتسنا سریکانته، کامرا و ارگان موسیقی‌سی زالیندا یونانیستاندان «ائن جهوردایس» آنسامبلی ایونون ۲۲-ده صحنه‌یه چیخاجاق.

ایونون ۲۴-ده حیدر علیئو مرکزینده عزیر حاجی‌بیلی آدینا آذربایجان دولت سیمفونیک ارکسترینین، ملی کنسرواتوریادا خالق آرتیستی، خاننده طیوب آصلانوو و پیانو ایفاچیسی نجات آصلانووون کنسرتلری کئچیریلجک.

فستیوال چرچیوه‌سینده آغجابدی شهرینده موغام ایفاچیلارینین اشتراکی ایله کنسرت تشکیل ائدیلجک. مدنیت پایتاختیمیز شوشادا مختلف مکانلاردا موغام و پوئزیا ایفالاری اولاجاق. فستیوال گونلرینده بین‌الخالق سیمپوزیوم کئچیریلجک، ایچری‌شهرده اینسترومنتال موغاملار تقدیم ائدیلجک، ۲۴ ساعت عرضینده عینی مکاندا بیر-بیرینی اوز ائد‌ن ۲۴ گروپون ایفاسیندا موغام مارافونو و آچیق هوادا «موغام ساعتی» تشکیل اولوناجاق.

فستیوالین سونونجو گونو – ایونون ۲۵-ده مسلم ماگومایئو آدینا آذربایجان دولت آکادمیک فیلارمونیاسیندا «موغام عالمی»نین باغلانیش مراسیمی اولاجاق. بورادا فستیوال چرچیوه‌سینده کئچیریلن بین‌الخالق موغام مسابقه‌سی قالیبلرینین مکافتلاندیریلماسیندان سونرا کنسرت تقدیم ائدیلجک.

موسابقه‌نین خاننده و اینسترومنتال ایفاچی‌لیق اوزره قالیبلرینی آذربایجان، بؤیوک بریتانیا، عراق، اؤزبکیستان و تورکیه‌دن اولان بین‌الخالق منصیفلر هیئتی سئچجک.

سون ایللر آذربایجاندا موغامین قورونماسی و انکشافی استقامتینده فوندامنتال ایشلر گؤرولوب. آذربایجانین بیرینجی ویتسئ-پرزیدنتی مهریبان علیئوانین ملی مدنیتیمیزه، موغام صنعتینه گؤستردیی دستیین و بو استقامتده آپاریلان ایشلرین نتیجه‌سیدیر کی، آذربایجان موغاملاری ۲۰۰۸-جی ایلده یونسکو-نون بشریتین غیرمادی ارثی اوزره رپرزنتاتیو سیاهی‌سینا داخل ائدیلیب.

خاتیرلاداق کی، مهریبان علیئوانین رهبرلیک ائتدیی حیدر علیئو فوندونون تشبوثو ایله ۲۰۰۹-جو ایلدن ملی موغام مسابقه‌لری و بین‌الخالق موغام فستیواللاری تشکیل اولونور. بو لایحه‌لر ملی ثروتیمیز اولان موغامی دنیا مدنیتی کنتکستینده بیر داها نمایش ائتدیرمک و یاشاتماق مقصدی داشییر.