اولی بورادا

Kult.az چاغداش گونئی آذروایجان ادبیاتی حاقدا مقاله‌نین داوامینی تقدیم ائدیر:

گونئی آذربایجان‌دا و ایران‌دا مودئرن اوصلوب‌دا یارانان ادبی ژانرلار میرزا فتحعلی آخوندزادنین آذربایجان تورکجه‌سیندن فارسجایا ترجمه اولونان حکایه‌لری ایله باشلانیب. اونون ''آلدانمیش کواکیب'' و ''یوسیف سراج حکایهی'' آدلی رومانلارینی خصوصیله قید ائتمک اولار. ۱۹-جو یوزیلین اورتالاریندا میرزا جعفر قاراجاداغلی طرفیندن ترجمه اولونان بو اثرلرین گونئی آذربایجان ادبیاتینین اینکیشافینا بؤیوک تأثیری اولوب. بونون آردینجا زینلابدین ماراغالینین ''ابراهیم بیین سیاحتنامه‌سی»، عبدول رحیم طالیبین ''محسن‌ون مسلکی'' و ''احمد صفی طالبین کیتابی'' اثرلری میدانا گلیب. بو اثرلر ایران‌دا یئنی حکایه ژانرینین تاریخی تملینی قویوب. گونئی آذربایجان‌دا چاغداش نثر مشروطه انقلابی دؤورونده گنیش وسعت آلیب. مشروطه دؤنه‌مینده تبریز و آذربایجاندا نثر یازانلار چوخ آز اولسا دا، او دؤورده بو اثرلر، اساساً، سیاسی درگی و قزئتلرده چاپ اولونوب. بو سیرادا ان اؤنملی حساب اولونان جلیل ممدقولوزادنین ''ملا نصرالدین'' درگی‌سیدیر. میرزا جلیل بوندان علاوه کند حیاتیندان بحث ائد‌ن ''خانین تسبه‌ی'' آدلی ایلک حکایه‌سینی چاپ ائتدیریب. بو اثر ایران‌دا اکثر یازارلارین یارادیجیلیغینا چوخ بؤیوک تأثیر ائدیب. مؤلف بو حکایه‌ده آذربایجان کندلیلرینین خانلارین ظلموندن جانا دویدوقلاری و خرافات ایچینده یاشادیقلارینی تصویر ائدیب. اثرین مزمونو اوزون ایللر اوخوجولار طرفین‌دن سئویلیب. «ملا نصرالدین» درگیسیندن سونرا احمد بصیرت ''ملا عمی'' آدلی تورک دیلینده باشقا بیر درگی بوراخیب. او، بوندان علاوه ''حیوانلارین مرافعه‌سی'' آدلی ۱۱۰ صحیفه‌لیک بیر کیتاب دا چاپ ائدیب. بورادا حیوانلارین دیلی ایله اینسانلارین کاراکتری اورتایا قویولوب. ایکی ایل سونرا میرزا حسن روشدییه کیچیک حکایه‌لردن عبارت ''امسالی لقمان'' کیتابینی نشر ائتدیریب. اثر تبریز لهجه‌سینده یازیلیب.

آردی وار…