ایکی آی اولار تبریزده ایدیم. «دالغا» گروپو ایله مشق ائدیردیک. سئچدییمیز رپرتواری بیر داها دقیقلشدیردیک. ایندی باکی‌دایام.

بو سؤزلری Kult.az-آ گونئی‌لی آشیق، «دالغا» گروپونون رهبری چینگیز مهدیپور گلن آی پایتخت باکی‌دا وئره‌جکلری «تبریزین سسی» آدلی کنسرت پروگرامی حاقین‌دا دانیشارکه‌ن دئییب.

کنسرت اوچون جدی حاضرلیقلار گئتدیینی دئیه‌ن گونئی‌لی آشیق بیلدیریب کی، تبریزده‌کی موسیقی‌چیلرله مشق باشا چاتیب، باکی‌دا ایسه ایشلر داوام ائدیر:

«باکی‌دا دا اوخویانلاریمیز چوخدور. ۷-۸ نفریمیز بورادادیر. اونلارلا دا مشق ائتملیییک. رپرتواریمیز زنگیندیر. یئنی ماهنیلاریمیز وار کی، ایلک دفعه بو کنسرت‌ده سسلندیریله‌جک. بیزیمله بیرگه سامیر جفروو دا اولاجاق. چالیشیریق کی، اونون و دیرلی صنعتکاریمیز میرهعله‌م میرهعلمووون سسیندن یارارلاناق. اینانیرام کی، دکابر آیینین ۴-ده حیدر علیئو ساراییندا نظرده توتدوغوموز کنسرت یادداقالان و اونودولماز اولاجاق. چونکی بو کنسرتین باش توتماسی اوچون چوخداندیر چالیشیریق. تأسف کی، پاندمییادان بری بو پلانی حیاتا کئچیره بیلممیشدیک».

قید ائدک کی، دکابرین ۴-ده حیدر علیئو سارایین‌دا «دالغا» گروپو کنسرت پروگرامی ایله چیخیش ائد‌جک. «تبریزین سسی» آدلی پروگرام اوچون بیلطلرین قیمتی ۳۰ مانات‌دان ۱۶۰ ماناتا کیمی نظرده توتولوب.