رسام پابلو پیکاسسونون «ساعت‌لی قادین» تابلوسو حراج‌دا ۱۳۹،۳۶۴ میلیون دلارا ساتیلیب.

Kult.az خبر وئریر کی، بو باره‌ده «سوتابیس» حراج ائوینین سایتین‌دا بیلدیریلیب.

«سوتابیس»دکی معلوماتا گؤره، کتان‌دا پیکاسسونون سئوگی‌لی‌سی مارییا-ترزا والتر اؤز قول ساعتی ایله تصویر اولونموشدور. پیکاسسونون ایشلرینین آراشدیرماچی‌سی لیدییا قاسمان گمان ائدیر کی، ساعت صنعت‌چی اوچون خصوصی اؤنم داشیییب، اونون طرزی ایسه «واختین اؤلدوردویو سئوگی» ایله علاقداردیر.

۱۹۶۶-جی ایلده ایسوچره‌نین بازل شهرین‌ده‌کی بیئلر گالریاسی «ساعتلی قادین»ی الده ائدیب. ۱۹۶۸-جی ایلده اثر آمریکانین نیویورک شهرینده‌کی «پاج گالری»نین کولکسییاسین‌دا یئر آلیب.

۱۹۶۸-جی ایلین نیابرین‌دا مشهور آمریکالی کولکسیونر ائمیلی فیشر لانداو رسمی ساتین آلیب. یاریم عصردن چوخ ایدی کی، اثر اونون نیو-یورک‌داکی منزیلینده بوخاری رفینین یوخاریسین‌دا آسیلی ایدی. ۲۰۲۳-جو ایلین مارتین‌دا لانداو ۱۰۳ یاشیندا وفات ائدیب. «سوتابیس» حراج ائوی کولکسییاسینین بیر حیصه‌سینی – تخمیناً ۴۰۰ میلیون دلار دیرینده اولان ۱۲۰-یه یاخین اثری ساتماق حقوقو الده ائدیب.