نیابرین ۱۳-ده عمومدونیا خئییرخواه‌لیق گونو قید اولونور.

Kult.az خبر وئریر کی، عموم‌دونیا خییرخواهلیق حرکاتینین بیرینجی کنفرانسی ۱۹۸۸-جی ایلین محض بو گونو توکیودا آچیلمیش‌دیر.

کنفرانس‌دا آوسترالییا، کانادا، یاپونییا، تایلند، سینگاپور، بؤیوک بریتانییا و آمریکانین نماینده‌لری اشتراک ائتمیش‌دیلر. سونرالار باشقا اؤلکه‌لر ده بو حرکاتا قوشول‌دولار.

بو گونون رمزی اولان آچیق اوریی فرانسا رسامی اورئل یاراتمیشدیر.

کئیکو اوتاکا باشدا اولماقلا بیر گروپ یاپونییا و آمریکا پسیخولوقونون کوانسی قاکوین اونیورسیتتینین و کوب کولجینین (یاپونییا) بازاسیندا آپاردیغی آراشدیرمالارا گؤره، خیرخواه عمللریمیزین سایی نه قدر چوخ اولسا، اؤزوموزو بیر او قدر خوشبخت حس ائدیریک.

عالیملرین فیکرینجه، گونده‌لیک ایشلرده اطرافداکیلارا میننتدارلیق، شقت و دیگر خیرخواه حسلرله یاناشان اینسانلار دونیایا نیکبین باخیر، فیزیکی جهت‌دن ساغلام اولور، داها آهنگدار حیات یاشاییرلار.

میچیقان اونیورسیتتینین (آبش) عالیملری ایسه حساب ائدیرلر کی، خیرخواه اینسانلار آز خسته‌لنیر و اوزون عؤمور سورورلر. بئش ایل عرضینده ۴۰۰-دن چوخ یاشلی جوتلویو موشاهی‌ده ائد‌ن تدقیقات‌چیلارین گلدیکلری قناعته گؤره، بیر-بیرینه دقت و قایغی ایله یاناشان طرف-مقابیللر ایکی دفعه آز خسته‌لنیرلر.

خیرخواه اینسانلار اؤزلرینی تنها حس ائتمیر، باشقالارینا کین بسلمیر. نهایت، خیرخواهلیق روح یوکسک‌لییی ایله مشایعت اولونور کی، بو دا احوال-روحییه‌نی تنظیمله‌یه‌ن سروتونین هورمونونون عمله گلمه‌سی نتیجه‌سینده باش وئریر.