شرق‌شناس عالیمین «اینسانلیق علیهینه جینایتلر (XX عصر)» کیتابی تبریزده نشر اولونوب.

Kult.az خبر وئریر کی، آذربایجان ملی علملر آکادمیاسی‌نین آکادمیک ض.م.بونیادوو آدینا شرق‌شناسلیق اینستیتوتونون آپاریجی علمی ایشچی‌سی، تاریخ اوزره فلسفه دوکتورو، دوسئنت سبحان طالیبلی‌نین «اینسانلیق علیهینه جینایتلر (XX عصر)» آدلی کیتابی تبریزده «آیدین» نشریاتی طرفیندن عرب الیفباسیندا چاپ اولونوب.
۵۴۲ صحیفه‌دن عبارت اولان کیتاب شرق‌شناسلیق اینستیتوتونون علمی شوراسینین قراری ایله چاپا مصلحت گؤرولوب.

مونوگرافییانین «۱۹۰۵-۱۹۰۶-جی ایللر کوتلوی قیرغینلار و ۱۹۱۸-جی ایل مارت سویقیریمی» آدلی ۱-جی فصلین‌ده قئید ائدیلن دؤورون اینسانلیق علیهینه آغیر جینایتلری باره‌ده اطرافلی معلومات وئریلیر. ۲-جی فصیل‌ده ۱۹۴۸-۱۹۵۳-جو ایللرده آذربایجان‌لیلارین تاریخی تورپاقلاری اولان ارمنستان‌دان دئپورتاسییاسیندان، ارمنیلرین آذربایجانا قارشی اساس‌سیز تورپاق ادعالاری و اراضیلرین ایشغالیندان، ارمنستانین آذربایجانلی مولکی و حربی اسیرلرله رفتاریندان بحث ائدیلیر. ۳-جو فصیل‌ده «ارمنستانین اساسسیز اراضی ادعالارینا و موداخیله‌سینه اعتراضلاردان، ۱۹۹۰-جی ایل «۲۰ یانوار» فاجعه‌سیندن (۱۹۹۰-جی ایل ۲۵ یانوار نئفتچالا و لنکران فاجعه‌لری) سؤز آچیلیر. «قاراباغدا سویقیریملار» آدلانان ۴-جو فصیل‌ده آغدابان سویقیریمی و اونون تانیدیلماسی ایستیقامتینده حقوقی-سیاسی فعالیتدن، قاراداغلی سویقیریمیندان، گورانبوی رایونونون باللی‌قایا کندینده ارمنستان طرفیندن دینج آذربایجان‌لیلارا قارشی تؤردیلمیش سویقیریمیندان، مالی‌بیلی، آشاغی و یوخاری قوشچولار قتلعامیندان، بشریته و سیویلیزاسییایا قارشی آغیر جینایت اولان خوجالی سویقیریمیندان بحث ائدیلیر. ۵-جی فسلین مؤوضوسو آپرئل دؤیوشلری و وطن محاربه‌سی‌دیر. «آذربایجان‌لیلارین سویقیریمی حقیقتلرینین دونیایا چاتدیریلماسیندا آذربایجان دؤولتینین سیاستی» آدلانان ۶-جی فصیل بو فاجعه‌لرله باغلی اولو اؤندر حیدر علیئوین و آذربایجان رسپوبلیکاسینین پرئزیدئنتی ایلهام علیئوین سیاستینه، همچینین قوبا شهرینده «سویقیریمی مئموریال کومپلئک‌سی»نه حصر اولونوب.

کیتابین سونون‌دا علاوه‌لرده سندلر، موقاویله‌لر، قطعنامه و قرارلار، بیاننامه‌لر، خریته‌لر و شکیللر وئریلیب.