آذربایجان میللی خالچا موزئیین‌ده خاریجده‌کی شخصی کوللئکسییادان آلیناراق وطنه قایتاریلان ۱۷-جی عصرین اولینه عایید قاراباغین «ختایی» خالچاسینین تقدیماتی اولوب.

Kult.az خبر وئریر کی، تدبیر مدنیت ناظرلیگی و آذربایجان میللی خالچا موزئیینین تشکیلات‌چیلیغی ایله کئچیریلیب.

آذربایجانین عنعنه‌وی خالچاچیلیق صنعتینین اونسکونون غیری-مادی مدنی ارث اوزره سیاهییا سالینماسی، همچینین، خالچا موزئیینین یارادیلماسینین تشببوثکاری، گؤرکملی عالیم، خالچاچی-رسسام لطیف کریمووون آنادان اولماسی موناسیبتیله کئچیریلن تدبیرده چیخیش ائد‌ن میللی خالچا موزئیینین دیرئکتورو شیرین ملیکووا "ختایی" خالچاسینین آذربایجان مدنی ارثی اوچون اهمیتیندن دانیشیب.

سونرا شرق خالچالاری اوزره بین‌الخالق کونفرانسین آکادئمیک کومیته‌سینین صدری، ایتالییالی کوللئکسییاچی، دونیاجا مشهور خالچا ائکسپئرتی آلبئرتو بورالئوی چیخیش ائدیب.

او قئید ائدیب کی، آذربایجانا ایلک دفعه قیرخ ایل اول گلیب. متخصص معاصر دؤوروموزله قیرخ ایل اؤنجکی دؤورو موقاییسه ائد‌رک موزئیین خالچا سیاستینین یئنیله‌ندیینی خصوصی قئید ائدیب.