بریتانییادا یاشایان آذربایجان اصیللی کینورئژیسسور و کوراتور ساواد قارانین قورولوش وئردیی «قاراغ» («قاراگه») قیسامئتراژلی تریللئر فیلمینین دونیا پرئمیئراسی باکی‌دا کئچیریلیب.

Kult.az خبر وئریر کی، ائکران ایشی ۱۴-جو باکی بین‌الخالق قیسا فیلملر فئستیوالی بین‌الخالق موسابیقه‌سینده یاریشیر.

فئستیوال چرچیوه‌سینده فیلمین نوماییشی باش توتوب. نوماییشدن سونرا رئژیسسورون ایشتیراکی ایله فیلمله باغلی موذاکیره آپاریلیب. رئژیسسور ساواد قارا فیلمین یارانما تاریخچه‌سی باره‌ده سؤز آچیب.

"ایسماییللینین کندلریندن بیرینه استراحت اوچون گئتمیشدیم. کند اراضی‌سینده گزدییم زامان اون اوچونجو عصره عایید قبیریستانلیق گؤردوم. اورادا محاربه‌ده حیاتینی ایتیره‌ن اینسانلار اویویوردو. بو منظره‌نی گؤره‌نده فرقلی حیسلر کئچیردیم. فیلمین ایدئیاسی دا بئله یاراندی.

فیلمه باخانلاردا سؤزوگئدن کند و عادتلر ماراق دوغورور.
محاربه‌نین تراومالاری ایله یاشایان نه قدر آدام وار. همین شخصلر محاربه‌دن قاییدان‌دا بیز اونلاری قهرمان آدلان‌دیریریق. آنجاق اونلار قهرمان‌لیقلا برابر بو تراومالاری دا ایچلرینده داشیییر. آدام روحی ساکیتلیک آختاراندا عائله‌یه ساری گئدیر و دوشونور کی، اوردا دینجلیک تاپا بیله‌جک. فیلمین چکیلیشلرینه باشلامادان اؤنجه بو مؤوضودا خئیلی موصاحیبه‌لر اوخوموشوق، محاربه ایشتیراک‌چیلاری ایله صحبتلر آپارمیشیق. فیلمین اساس مئساژی اوندان عبارت‌دیر کی، محاربه تراومالاری هئچ واخت یاددان چیخمیر و اونلارلا یاشاماغا مجبوروق"، - دئیه رئژیسسور بیلدیریب.

قئید ائدک کی، «قاراغ» فیلمی روحی راحتلیق تاپماق اوچون اوجقار دوغما کندینده یاشایان آناسینا باش چکمه‌یه قرار وئره‌ن «پوستتراوماتیک ایسترئسس پوزغونلوغو» خسته‌لییندن اذیت چکن کئچمیش عسگرین حکایه‌سیندن بحث ائدیر. او، کندده مئشه‌نین اورتاسینداکی ۱۳-جو عصر قبیریستانلیغینین ایچری‌سینده معبدین اطرافیندا قورولان میستیک باهار تمیزله‌مه ریتوالیندا ایشتیراک ائدیر و بورادا سیرلی کیچیک بیر قیزلا قارشیلاشیر.

«آستار پرودوکتیونس»این ایستحصالی اولان فیلمین آکتیور هئیتینده اورخان ایسکندرلی، ائلجه ده هوسکارلار یئر آلیبلار.