۱۴-جو باکی بین‌الخالق قیسا فیلملر فستیوالینین آسییا مسابقه‌سی بؤلمه‌سیده ۱۱ اؤلکه‌دن ۱۶ فیلم یاریشیر. بونلار آراسیندا سید ابراهیم جوادخانی-نین «بوغاناق» و سونیا فتحی‌نین «گلین» فیلملری ده وار.

Kult.az خبر وئریر کی، بونو اردبیل ایالتینین گنجلر کینو آسسوسیاسییاسینین دیرکتورو میر دولت موسوی دئییب.

قید ائدک کی، نویابرین ۱۰-دا باشلایان ۱۴-جو باکی بین‌الخالق قیسا فیلملر فستیوالی نویابرین ۱۵-ا کیمی داوام ائد‌جک.

باکی بین‌الخالق قیسا فیلملر فستیوالینین اساس مکافاتی «قیزیل نار»دیر. «قیزیل نار» بهشتدن اونلارلا دنه‌جیی - ایدئیانی، انرژینی بتنینده داشییان قادینی تصویر ائدیر. فیلم چکن رژیسسور دا انرژی، ایدئیا و سسنارینی اؤز «بتنینده» داشییر. او آن گلیب چاتدیقدا رژیسسور بتنیندکینی ایشیقلی و رئال مکانا چیخاریر. بئله‌لیکله، کینو قارانلیقدا ایشیغین عکس اولونماسی ایله باشلاییر.

«قیزیل نار»لا یاناشی فستیوال بعضی نومیناسییالار اوزره غالبلره خصوصی مکافات و دیپلوم تقدیم ائدیر. گنج کینماتوگرافچیلار مرکزینین تاسیس ائتدیی باکی بین‌الخالق قیسا فیلملر فستیوالی آرتیق ۱۴ ایلدیر کی، باش توتور.

مقصد اؤلکه‌میزده کینماتوگرافین تمللریندن حساب اولونان قیسا فیلملره ماراغین آرتیریلماسینی، گنج کینماتوگرافچیلارین هوسلندیریلمه‌سی و اونلارا دسته‌یی اؤزونده عکس ائتدیریر.

فستیوالا گؤندریلن فیلملر آراسیندا کان، ونسییا، برلین فیلم فستیواللاریندا، «اسکار»دا مکافات و اوغور قازانمیش فیلملر ده یئر آلیر. فستیوالین مسابقه بؤلومونده ایسه فرقلی یاناشما طرزی ایله سئچیلن فیلملر یاریشیر.