هر فستیوال معین تاریخلرده فیلملرین سئچیلمه‌سی اوچون دعوت گؤندریر. من ده قاتیلماق قرارینا گلدیم. فستیوالا گؤندردییم ایش آسییا مسابیقه‌سینه سئچیلدی. بو فستیوالا «گلین» فیلمیمله قاتیلمیشام. اون بیر دقیقه‌لیک فیلم‌دیر.

بو سؤزلری Axar.az-آ گونئی‌لی خانیم رژیسور سونییه فتحی باکی بین‌الخالق قیسا فیلملر فستیوالینا دعوت اولونماسیندان دانیشارکن دئییب.

باکییا اردبیل‌دن گلدیینی بیلدیره‌ن صنعتچی فستیوال ایله باغلی فیکیرلرینی ده بؤلوشوب:

«فستیواللا تانیشلیغیم ایلک دفعه دئییل. بوندان اؤنجه ده باکی بین‌الخالق قیسا فیلملر فستیوالین‌دا اشتراک ائتمیشه‌م. هر زامان اولدوغو کیمی بو ایل ده تدبیر یوکسک سوییه‌ده ایدی. حس اولونوردو کی، فستیوالین عرصه‌یه گلمه‌سی اوچون بؤیوک اذیت چکیلیب. هر شئی گؤزل ایدی. چوخلو اؤلکه‌لردن ماراقلی ایشلری ایزله‌یه بیلدیک. فستیوالین ایلک گونوندن بورادایام. فیلمیم هر هان‌سی مکافات قازانماسا دا، دئییلنه گؤره، تاماشاچیلارین ماراغینا سبب اولوب. بئله بیر فستیوال‌دا اشتراک ائتدییم اوچون شاد اولدوم».

قئید ائدک کی، نویابرین ۱۰-دا باشلایان ۱۴-جو باکی بئینلخالق قیسا فیلملر فئستیوالی نویابرین ۱۵-ده باشا چاتیب. فئستیوالا گونئی آذربایجان‌دان اولان صنعت‌چیلر ده قاتیلیب. اونلارین ایشتیراک ائتدیی آسییا موسابیقه‌سی بؤلمه‌سین‌ده ۱۱ اؤلکه‌دن ۱۶ فیلم ایشتیراک ائدیب. بونلارین آراسین‌دا سید ایبراهیم جاوادخانینین «بوغاناق» و سونییا فتحینین «گلین» فیلملری ده اولوب.