یوکسک موسیقی دویومو ایله سئچیله‌ن و موغاملاریمیزا دریندن بلد اولان داهی جعفر جبارلی بیر سیرا پیئسلرینین روحونا اویغون اولاراق یادداقالان ماهنیلار یارادیب. ۱۹۰۵-جی ایلده درامیندا سونانین اوخودوغو و باخشینین تاردا مشایعت ائتدیی «آزاد بیر قوشدوم» ماهنی‌سی دا بونلاردان بیریدیر.

Kult.az سؤزوگئدن ماهنینین یارانما تاریخی حاقین‌دا ماراقلی معلوماتلاری تقدیم ائدیر:

امکدار آرتیست سلیمان تاغیزادنین خاطره‌لریندن آیدین اولور کی، «آزاد بیر قوشدوم» ماهنی‌سینی جعفر زومزومه ائدیب و بسته‌کار، دیریژور، خالق آرتیستی افراسیاب بدل‌بیلی‌دن خواهیش ائدیب کی، اونو نوتا سالسین.

جعفر جبارلینین اؤلوموندن سونرا «آزاد بیر قوشدوم» آدلانان بو ماهنینین باشقا مؤلفی ده پیدا اولدو. جعفرین معاصرلری، تانینمیش آکتیورلار – شامخالوو، س. تاغیزاده و باشقالاری همین ماهنینین موسیقی‌سینین جعفر جبارلییا مخصوص اولدوغونو اؤز یازیلاری ایله تصدیقله‌ییبلر.

۱۹۰۵-جی ایلده جعفر جبارلینین تاماشاسیندا سونا رولونون ایفاچیسی، گلجیین خالق آرتیستی سونا حاجییئوا «آزاد بیر قوشدوم» ماهنی‌سینی اوخویوردو، باخشی رولونو اوینایان تاغیزاده ایسه اونو تاردا مشایعت ائدیردی.

سلیمان تاغیزاده خاطره‌لرینده یازیر:

«تئاترین فویه‌سین‌ده جعفر جبارلی منه یاخینلاشیب:

– یولداش تاغیزاده، تار چالا بیلیرسینیزمی؟ – دئیه، سوروشدو.

– خئیر، بیلمیرم.

– چوخ تأسف ، من سنه بیر رول یازیردیم، تأسف کی، تار چالا بیلمیرسن، – دئیه او، من‌دن آیریلیب، پیلله‌لرله یوخاری چیخماغا باشلادی.

– جعفر قارداش، مکتبی یئنیجه قورتاریب گلمیشم، تار آلماغا امکانیم یوخدور. اگر تاریم اولسایدی، سیزین آرزونوزو یئرینه یئتیرردیم.

– گئدک! – دئدی.

ایندیکی صابر باغینین یانینداکی میداندا موسیقی آلتلری ساتیلان ماغازا وار ایدی. ماغازایا گیردیک. جعفر اوردان بیر تار آلیب منه وئردی و تئزلیکله تاردا ایفا ائتمیی اؤیرنمیی تاپشیردی. ائرته‌سی گون افراسیاب، من و جعفر جبارلی بیر یئره توپلاشدیق. جعفر ماهنینین هاواسینی زومزومه ائدیب، نوتو یازماغی افراسیاب بدل‌بیلییه تاپشیردی. بیر مدت بسته‌کارلا بو هاوانین اوزرینده ایشلدیم و نهایت، جعفرین ایستدیی کیمی چالماغا موفق اولدوم. اثر بئله میدانا چیخدی».

بوتون ثبوت و دلیللره باخمایاراق، خالق آرتیستی سارا قدیمووا ماهنینی آذربایجان رادیوسو اوچون لنته یازدیرارکه‌ن ماهنینین بسته‌کاری کیمی افراسیاب بدل‌بیلینین آدی قید اولونوب. داها سونرا دیگر موغه‌ننیلر ده مختلیف واختاردا بو ماهنینی لنته آلدیریبلار، لاکین سندده ماهنینین بسته‌کاری هر دفعه یانلیش اولاراق افراسیاب بدل‌بیلی گؤستریلیب. تأسف کی، بدلبیلی بونا نه او واخت، نه ده سونرالار مناسیبت بیلدیرمه‌ییب و اعتراض ائتمه‌ییب.

«آزاد بیر قوشدوم»ماهنی‌سینینین ان گؤزل ایفاچیلاریندان بیری ده سخاوت ممدوودور. همین ایفانی تقدیم ائدیریک: