شکی پیتی‌سی آذربایجان مطبخینین تکرارولونماز یئمیی‌دیر . یئرلی مطبخ‌ده و قونشو مطبخلرده بو یئمیین بنزری وار، اما بونلار هامی‌سی بنزردی.

Kult.az بیلدیریر کی، پیتینین اساس وطنی شکی شهریدیر.

پیتی عینی زامان‌دا بیرینجی سولو و ایکینجی اساس یئمکدیر. بونون حاضرلانماسینا تخمیناً ۶ – ۸ ساعت واخت صرف ائدیلیر، چونکی، اوزون مدتلی حاضرلانمانین نتیجه‌سینده بو یئمک تکرارولونماز داد و عطری الده ائدیر…

پیتینین اساس علامتلریندن بیریده اودور کی بو یئمیی گیلدن حاضیرلانمیش قابدا – دوبودا بیشیریرلر. بیر دوبو بیر آدام اوچون نظرده توتولوب. و ان اساسی اودور کی، دوبو نه قدر کهنه اولسا اونون ایچینده حاضرلانان پیتی او قدر دادلی اولور. اگر دوبو تزه‌دیرسه پیتینی قویمادان اؤنجه قابلاری یاخشیجا قویون پیی و قاینار سو ایله «دویدورورلار». بئله حاضیرلانمیش قابدا اصل دادلی شکی پیتیسی حاضرلانیر.

اصل پیتینی حاضرلاماق اوچون نه لازیم‌دیر؟

قویون اتینین یوموشاق یئری، قویروق (ائرکک قویونون)، باش سوغان، نوخود، گاوالی قوروسو، شابالید، ظفران ( چیچکلرین‌دن ده ایستیفاده ائتمک اولار)، دوز ایستیوت. بو ارزاقلاردان دوزگون ایستیفاده اولونارسا اصل تکرارولونماز دادلی شکی پیتی‌سینی حاضرلاماق اولار.

عمومیتله پیتینین حاضرلانماسی او قدرده چتین ایش دئییل… نوخود و گاوالی قوروسو آخشام‌دان سویا قویولور… قویونون یا بود و یا قول اتینی سوموکدن آییریب دوغراییریق… خاطیرلادماق لازیم‌دیر کی، اصل پیتی اوچون ایستیفاده اولونان ات ائرکک قویونون اتی اولمالیدیر، دیشی قویونون اتی او قدرده دادلی دئییل، قوزونون اتی ایسه دادلی اولسادا یاغلی دئییل… هر اوستانین اؤز پورسو وار. اساساً بیر پای اوچون ۱۵۰ گر. ات و ۵۰ گر. قویروق گؤتورولور. سوغان خیردا دوغرانیلیر شابالید تمیزلنیر… دوبونون دیبینه دوز سپیلیر، سودا یوموشالدیلمیش نوخود علاوه اولونور، سونرا ات علاوه اولونور اوستو دوبونون آغزی اؤلچوسونده کسیلمیش قویروقلا قاپاق کیمی اورتولور. سو علاوه ائدیلیر. بعضی آشپازلار سو عوضینه اؤنجه‌دن حاضیرلانمیش ات بولیونوندان ایستیفاده ائدیرلر. و داشین اوستونه قویورلار. اتین کفینی ییغاندان سونرا، بوتون یئمکلره داد وئره‌ن سوغانی علاوه ائدیریک و بیر نئچه ساعت بیشیریریک. حاضیرلانماغا ۱۵ دقیقه قالمیش دوبویا شابالید و گاوالی قوروسونو علاوه ائدیریک. یئمکدن بیر نئچه دقیقه اؤنجه زعفران علاوه ائدیلیر.

سفره‌یه وئریلمه قایداسی:

پیتی سوفره‌یه وئریلنده بیر قایدا اولاراق اؤز بیشیریلدیی قابدا وئریلیر و یانینا تمیز درین بوشقاب یاخود کاسا قویولور. آیریجا اولاراق سفره‌یه هم ده بشقاب ایچینده سویولموش باش سوغان و سوماق، آغ خیار تورشوسو وئریلیر.

نوش اولسون !!!