مئیخانا ضرب آلتینین موشاییتی ایله اوخونان موسیقی‌لی پوئتیک ژانردیر. بو صنعت حاقین‌دا ایلک معلوماتلارا هئرودوتون «تاریخ» اثرین‌ده راست گلینیر.

Kult.az بیلدیریر کی، مئیخانا اساساً باکی کندلرین‌ده گئنیش یاییلیب.

کلاسسیک آذربایجان ادبیاتین‌دا «مئیخانا» آدی بیر نئچه اثرده ایشلدیلیب.

۲۰-جی عصرین اولین‌ده ساتیریک شاعریمیز میرزه علی اکبر صابیر اؤز یارادیجیلیغین‌دا مئیخانا ائلئمئنتلرین‌دن ایستیفاده ائدیب. اونون «بحری طویل»اینده بو ژانرین ائلئمئنتلری آچیق-آشکار گؤرونور.

داهی بستکار اوزئییر حاجی بی‌لی ۲۰-جی عصرین ۳۰-جو ایللرین‌ده «کوراوغلو» اوپراسینی بسته لییه رکن مئیخانا کوپلئتلری ایشلدیب. عینی زامان‌دا «او اولماسین، بو اولسون» اوپرئتتاسین‌دا اوزئییر بی «حامبال»ین دانیشیغین‌دا مئیخانادان ایستیفاده ائدیر.

داها سونرا بستکار فیکرت امیرووون «سئویل» اوپراسیندا، جازمن واقیف مصطفی زادنین «جاز-موغام»یندا مئیخانا ائلئمئنتلری گؤرونور.

دؤولت سوییه‌سین‌ده مئیخانا تبلیغاتی آپاران اوستاد شاعر عل آغا واحیدین مئیخانانین کوتلویلشمه‌سین‌ده رولو دانیلماز ایدی.

اونون ماشتاغالی آغاحسین افسونلا دئدیی مئیخانالار گونوموزده دئییله‌ن مئیخانالارین تملی ساییلا بیلر. ماشتاغا باکی کندلری ایچین‌ده مئیخانا اوجاغی اولماسی ایله تانینیر و کند اهلی بونونلا فخر ائدیر.

باکینین تانینمیش مئیخاناچیلاری اساساً بو کندین یئتیرمه‌سی‌دیر. کندین تانینمیش مئیخاناچیلارینی سادالاساق، گؤرریک کی، آذربایجان مئیخانا تاریخینین دئمک اولار بیر چوخ تانینمیش سیمالاری بو کنددن چیخیب.

آغاسلیم چیلداق، مشدی بابا، آغامیرزه، آغاکریم، ائلچین، و وقارین آدلاری بس‌دیر کی، کندین مئیخانا مکتبی اولماسینی ثبوت ائتسین.

اطراف‌لی باکو تی.وی-نین سوژئتینی تقدیم ائدیریک: