آذربایجان مطبخینین وازکئچیلمز یئمکلریندن بیری ده دوشبره‌دیر.

Kult.az بیلدیریرکی، دوشبره باکی زوناسینین مشهور خمیر خؤرکلریندندیر.

حاضرلانما قایداسی:

دوشبره حاضرلاماق اوچون سوموکلردن بولیون بیشیریلیر، قویون اتینین یومشاق حیصه‌سین‌دن سوغان و ادویات قاتماقلا قیمه حاضرلانیر. مایاسیز یوغرولموش برک خمیر ۱ م.م قالینلیغیندا یاییلیب کیچیک کوادراتلار (دورد گونج= مربع) شکلین‌ده دوغرانیر. هر بیرینین اورتاسینا ۲–۳ گرام قیمه قویولور. کوادراتلار اورتادان و یا اوچکونج قاتلانیب کونجلری گئرییه دارتیلیر. دوشبره‌نی بولیوندا ۵ دقیقه بیشیریرلر. ائو شرایطینده دوشبره‌نی ائله خیردا حاضیرلاییرلار کی، بیر قاشیغا ۴ −۵ عدد یئرلشیر. سفره‌یه وئریلن زامان یانینا ساریمساقلا سیرکه قویولور، اوستونه ایسه کئشنیش و یا قورو نعنا سپیلیر.
لازیم اولان ارزاقلار:

قویون اتی — ۱۰۸ گرم

بوغدا اونو — ۴۰ گرم

یومورتا — ۱/۴ گرم

باش سوغان — ۱۸ گرم

شراب سیرکه‌سی — ۱۰ گرم

کئشنیش — ۱۵ گرم

نعنا قوروسو −۱۰ گرم

ایستیوت

دوز.

نوش اولسون!