مشهور «جادوگر» («ده وایتچر») فانتزی-درام سریالی اساسیندا حاضیرلانمیش یمک کیتابی ساتیشا چیخاریلیب.

Kult.az خبر وئریر کی، «ده وایتچر اوفیکیال کووک‌بووک» آدلی کیتاب‌دا ایللوستراسییالارلا ۸۰ یمک بیشیرمه اصولی تقدیم اولونوب.

بو یئمکلرین هامی‌سی «جادوگر» دونیاسینین جغرافییاسینا گؤره سیرالانیب. نوویگراددان، سکلیگه آدالاریندان یئمکلر، ائلجه ده رومانلارداکی پرسوناژلاردان رسپتلر وار، مثلاً، لامبرتین کؤفته‌سی.

کیتاب‌دا معین بؤلگه‌نین کولینارییا (آشپزی) حیاتی حاقین‌دا کیچیک قیدلر ده یئر آلیب.

کیتاب اینگیلیس دیلینده نشر اولونوب و قیمتی ۳۵ آورودور (تقریباً ۶۴ مانات).

قید ائدک کی، «نتفلیکس» شیرکتینین سفاریشی ایله آندژی ساپکووسکینین رومانلاری اساسیندا چکیلن سریال ۲۰۱۹-جو ایلده یاییملانیب. فیلمین سوژتینه اساساً جادوگر ریوییالی گئرالت بدهیبتلر و قدار اینسانلارلا دولو دونیادا اؤز یئرینی آختاریر.