تانینمیش آذربایجان پئداگوگو، ایران‌دا ایلک دفعه اوشاق باغچاسی و لال-کارلار مکتبینین تاسیس‌چیسی، ایران‌دا ایلک اوشاق کیتابی‌نین مؤلفی و ناشری، همچینین، ایران‌دا اشاره دیلینین یارادیجی‌سی میرزه جبار عسگر اوغلو عسگرزاده باغچه‌بانین آنیم گونودور.

Kult.az خبر وئریر کی، او، ۹ مای ۱۸۸۵-جی ایلده ایروان‌دا آنادان اولوب.

باغچابانین آتاسی معمارلیق و قننادی‌لیکله مشغول اولماق اوچون تبریزدن ایروانا کؤچوب.

غریبه ده اولسا جبار باغچابان ایلک قزئتینی حبسخانادا بوراخیب. ۱۹۰۵-جی ایلده ایروان‌دا ارمنی-مسلمان چاخناشمالارین‌دا اجتماعی فعال‌لیغینا گؤره بیر نئچه آیلیق حبس اولونان باغچابان حبسخان‌دا "موللا نهیب" و "موللاباشی" آدلی هفته‌لیک درگیلر نشر ائتدیریر.

"ملا نصرالدین" مجموعه‌سینده ده شعیر و مقاله‌لرله چیخیش ائدیب. ایروان قوبرناتورونون ۲۱ یانوار ۱۹۱۴-جو ایل تاریخینده میرمحمد میرفتوللایئو و جاببار باغچابانا وئردیی ایجازه‌یه اساساً اونلار همین ایل فئورالین ۲۲-ده ساتیریک "لک-لک" ژورنالینین ایلک نؤمره‌سینی بوراخیب.

او، ۱۹۱۹-جو ایلده حیات یولداشی ایله بیرگه تورکییه‌یه گئدیب، اورادان ایسه گونئی آذربایجانا قاییدیب.

آذربایجانین، بوتون قفقازین و ایرانین بؤیوک عالیم، پداگوق و اجتماعی خادیملریندن بیری اولان جبار عسگرزاده باغچابان اؤز مده‌نی فعالیتینی سیاسی-ساتیریک درگیلرین مخبیری و یازی‌چیسی کیمی باشلاییب.

پئداگوق، تبریز شهرین‌ده، ایرانین بیرینجی «دیل‌سیزلر و ساغیرلار مکتبی"نی (لال-کار اوشاقلار مکتبی) قوروب و مرند شهرین‌ده ایلک اوشاق باغچاسینی تاسیس ائدیب.

باغچابان، ایران‌دا اوشاق تاماشالاری و کیتابلارینین ایلکین مؤلفی، ناشیری و رساملارین‌داندیر. اونون عرصه‌یه گتیردیی یئنی تعلیم اوصولو "ترکیب مئتودیکاسی" آدلانیب.

اثرلرینی تورکجه، روسجا و فارسجا قلمه آلان تانینمیش پئداگوق عینی حالدا قادینلارین آزادلیق حرکاتینین اینکیشافی یولوندا دا بؤیوک آددیملار آتیب.

تبریزده معلملری مدافعه جمعیتینی قوروب. معلملرین و عمومیتله وطنداشلارین حاقلاری اوغروندا کؤکلو موباریزه آپاران جاببار باغچابان تئاتر جمعیتینین ده بانی‌سی‌دیر.

۱۹۳۲-جی ایلده باغچابان عائله‌سی ایله بیرلیک‌ده تهرانا کؤچمه‌یه مجبور اولوب. اونون تبریزدن چیخماسینین سببی او دؤورده گونئی آذربایجانین معاریف مدیری تعیین اولوموش شووینیست دوکتور احمد مؤوسونی‌نین تبریز مکتبلرین‌ده طلبه‌لر و معلملرین فارسجا دانیشماسینی طلب ائتمه‌سی اولوب.

۱۹۳۳–۱۹۳۵-جی ایللرده تهراندا آچدیغی کارلار و لاللار مکتبین‌ده ایشله‌ییب، فیزیکی جهت‌دن قصورلو اولان اوشاقلارا کؤمک ائد‌ن بیر جیهاز دوزه‌لدیب.

بوندان اون ایل سونرا، ۱۹۴۳-جو ایلده او تهران‌دا "لال-کار اوشاقلاری حمایه جمعیتی"نی ده یارادیب. پئداگوژی فعالیتله مشغول اولان جبار عسگرزاده باغچابان ۱۹۴۳-جو ایلده معلملر اوچون مجموعه نشر ائتدیریب.

اونون چوخ‌شاخه‌لی یارادیجی‌لیغی – پئداگوگیکا، پوئزییا، اینجه‌صنعت، موسیقی، مدنیت و صحیه ایله سیخ باغلی اولوب. آنا دیلی ایله یاناشی عرب، فارس و روس دیللرینی مکمل بیلن باغچابان، خاریجی اؤلکه خالقلارینین سئچمه پوئزییاسین‌دان ترجومه‌لر ائدیب.

آذربایجانلی پئداگوق لیریک شعیرلرینی ج.عسگرزاده، عاجیز، باغچابان، ساتیریک شعیرلرینی ایسه "محکمه پیشیی"، "نوختالی"، "لئیلیین یووادیبی‌سی"، "موللا هارای" و س. ایمضالاری ایله چاپ ائتدیریب.

اونون کیچیک یاشلی اوشاقلار و مکتب‌لیلر اوچون یازدیغی منظوم حکایه‌لری ده نشر اولونوب. معاریف ساحه‌سین‌ده‌کی خیدمتلرینه گؤره تهران اونیوئرسیتئتی اونا پروفئسسور آدی وئریب.

۱۹۶۶-جی ایل نویابرین ۲۵-ده دنیاسینی دییشن جبار باغچابان تهران یاخینلیغین‌دا، ری شهرین‌ده یاخین دوستو اشترینین باغیندا دفن ائدیلیب.

یازی‌چیلارین و مدنیت خادیملرینین چوخسایلی مراجعتلرینه باخمایاراق، علاقدار دؤولت قوروملاری جاببار باغچابانین داغیلمیش مزارینین برپاسی و اونون خاطره‌سینین ابدی‌لشدیریلمه‌سی اوچون هئچ بیر ایش گؤرمه‌ییبلر.

۲۰۲۱-جی ایلده "اوشاق و یئنی‌یئتمه یازیچیلار بیرلیگی"نین تشببوثو و تکلیفی ایله تهران شهر شوراسی تهرانین جنوبوندا کوچه‌لردن بیرینین اونون آدینا وئریلمه‌سی ایله راضیلاشیب.

آنجاق اجرا حاکمیتی بونون علیهینه چیخیب، بو "اوشاق و یئنی‌یئتمه یازیچیلار بیرلییی"، "ایران یازیچیلار بیرلیگی"، "ایران تحصیل اوشچیلری همکارلار اتیفاقی" و باشقا مدنی قوروملارین گئنیش اعتراضلاری ایله قارشیلاشیب.