قدیم تورک عادتلرینه گؤره، دؤیوشه گیره‌ن عسگرلر آتلارینین قویروغونو دویونلیردیلر. بو هم ده ایگیدلیک سیموولو ساییلیردی.

Kult.az بو گون «بئله یارانیب» روبریکاسیندا چوخ قدیم و ماراقلی بیر عنعنه‌دن معلومات وئریر.

آتین قویروغونو دویونلیردیلر کی، دؤیوش واختی اورا-بورا ایلیشیب حرکتینی محدودلاشدیرماسین. قویروغونا دویون وورولان آت آنلاییردی کی، او دؤیوشه حاضرلانیر و بونا گؤره میدانا گیره‌نده اورکموردو.

دؤیوشچو دؤیوشده هلاک اولوردوسا، اونون آتینین قویروغونو اؤز نیزه‌سینین اوجونا کئچیریب مزاری اوستونه باسدیراردیلار. مزاری گؤره‌ن هر کس اورادا بیر قهرمان اویودوغونو آنلایاردی. زامان ایچینده تورکلر نیزه‌یه کئچیریلمیش آت قویروغونو توغ دئیه اؤزلری ایله ساواشا آپارماغا باشلادیلار. بو عسگرین اؤلومه حاضر اولماسی آنلامینی وئریردی.

توغ عینی زاماندا قهرمان دؤیوشچونونو اؤلدوردویو دوشمن عسگرلرینه ده اشاره ایدی. بعضا عسگرلر (بو عنعنه خصوصاً سلاویانلاردا یاییلمیشدی) اؤلدوردوکلری عسگرلرین آتلارینین قویروغونو اؤز دبیلقه‌لرینه و یا نیزه‌لرینه تاخیردیلار.

سونرالار آت قویروغونو خصوصی ایپلرله هوردولر و بو دؤیوش بایراغی رمزینه چئوریلدی.

توغ، توغ و یا توک تورک و آلتای خالقلارینین دولت عنعنه‌سینده سووئرنلیک رمزیدیر. مغوللار بونا چکمه دئییرلر. اوغور و برکت علامتی کیمی استیفاده اولونور.

بعضا محاربه، اطاعتسیزلیک و عصیان آرزوسونون سیموولو کیمی استیفاده اولونوردو. اوللر بایراق اوزرینده آسیلدیغی حالدا، سونرالار خصوصی اولاراق دوققوز قوللو میزراغین اوجوندان آسیلماغا باشلاندی.

تورکلرین دوققوز توغ عادتی دوققوز رقمی‌نین مقددس‌لیینی، سماداکی دوققوز پلانئتی تمثیل ائدیر. تورکلرین دنیا آنلاییشیندا گؤی دوققوز قات، یئر ایسه دوققوز بؤلگه‌یه بؤلونور.