«ایکی اود آراسین‌دا قالماق» افاده‌سینی یقین ائشیتمیسینیز. چاره‌سیزلییی تصویر ائدیر.

بس نه اوچون محض ایکی اودون آراسین‌دا قالماق دئییب قدیم اینسانلار؟

Kult.az «بئله یارانیب» روبریکاسین‌دا بو باره‌ده معلومات وئریر.

بو ایفاده فئودالیزم دؤورونده مونقوللارین روسیانی اسارت آلتینا سالدیغی ایللرده روس کنیازلارینی رام ائتمک اوچون اجرا اولونان بیر مراسیم‌دن یادیگار قالیب.

روس کنیازلارینی قیزیل اوردا خانینین حضورونا چیخارارکه‌ن اونلاری بیر-بیرینین یاخینلیغین‌دا قالانمیش چوخ بؤیوک تونقاللارین آراسیندان کئچیریردیلر. ریتوالین مقصدی خریستیان کنیازلاری «تمیزله‌ییب» سونرا اوردا خانینین چادیرینا داخیل ائتمک ایدی. بوردا مقصد هم ده کنیازا پسیخولوژی تأثیر ائدیب، اونو قورخوتماق، سیندیرما، هم ده باشقا دینین منصوبو اولان، کافر ساییلان شخصی اودلا پاکلاماق ایدی.

اوردا خانینین حضورونا آپاریلان مغلوب کنیازین ساغ قالیب-قالمایاجاغی بل‌لی اولموردو، اونا گؤره ایکی اود آراسین‌دان کئچمک قورخونج بیر امتحان ساییلیردی. او زمان‌دان سونرا دا بو افاده دیلدن-دیله کئچه‌رک ان چتین وضعیته دوشن آداملار حاقین‌دا ایشلدیلیر.