بو گون ۷ دکابر ۱۹۱۸-جی ایل آذربایجان پارلامنتینین فعالیته باشلادیغی گوندور.
Kult.az خاطیرلادیر کی، آذربایجان پارلامنتینین طنطنهلی آچیلیشی ۱۹۱۸-جی ایل دکابرین ۷-ده ساعت ۱۳:۰۰-دا حاجی زینالعابدین تاغییئوین نیکولایئو کوچهسینده یئرلشن کئچمیش قیزلار مکتبینین بیناسیندا باش توتوب.
بو، بوتون مسلمان شرقینده او دؤورون ان دموکراتیک پرینسیپلری اساسیندا فورمالاشدیریلان ایلک پارلامنت ایدی.
پارلامنتین آچیلیشیندا آذربایجان میللی شوراسینین صدری محمد امین رسولزاده گئنیش تبریک نطقی سؤیلهییب.
علیمردان بی توپچوباشوو پارلامنتین صدری، دوکتور حسن بی آغایئو ایسه صدرین بیرینجی معاوینی سئچیلدیب. پاریس صولح کنفرانسینا یوللانان علیمردان بی توپچوباشوو سفرده اولدوغو اوچون پارلامنتین فعالیتینه حسن بی آغایئو رهبرلیک ائدیب. پارلامنتین ایلک اجلاسینداجا فتحعلی خان خویسکی حکومتینین ایستعفاسی قبول ائدیلیب و یئنی حکومتین تشکیل اولونماسی قرارا آلینیب.
یئنی حکومتین تشکیلی یئنیدن فتحعلی خان خویسکییه تاپشیریلیب. ۱۹۱۸-جی ایل دکابرین ۲۶-دا فتحعلی خان خویسکی پارلامنتده اؤز پروگرامی ایله چیخیش ائدیب و یئنی حکومتین ترکیبینی تصدیق اولونماغا تقدیم ائدیب. پارلامنت حکومتین پروگرامینی قبول ائدرک، فتحعلی خان خویسکینین قوردوغو حکومته اعتیماد گؤستریب.