آنا صحیفه کولت |
نه قدر غریبه سس لنسه ده، برند آدینین سئچیلمهسی اونون پوتنسیال اوغورونون چوخ واجیب حیصهسیدیر. بونا گؤره ده تانینمیش شیرکتلرین تاسیسچیلری چوخ واخت بو مسئلهیه یارادیجیلیقلا یاناشیرلار. بس گؤرهسن دنیا برندلرینین آدلاری نئجه یارانیب؟
Kult.az بیر نئچه مشهور دنیا برند آدلارینین یارانما تاریخچهسینی تقدیم ائدیر:
«ایکئا»
چوخ واخت هر هانسی بیر شیرکتین تاسیسچیلری اونلارا آد قویدوقدا اؤز آدلاریندان و یا سوی ادلاریندان استفاده ائدیرلر. بئله کی، دنیاجا مشهور مئل برندینین رهبری اینقوار کامپارد دا محض بو جور ائدیب. «ایکئا» برندینین آدینین ایلک ایکی حرفی اونون آدینین باش حرفلرینی تمثیل ائدیر. لاکین سون ایکی حرف باشقا ایکی سؤزون - «ائلمتارید» و «آگوننارید»این ایلک حرفلریدیر. اونلار کامپاردین عائله تصروفاتی و بویا-باشا چاتدیغی دوغما کندینین باش حرفلریدیر.
«پپسی»
چوخ ماراقلیدیر کی، افسانه وی «پپسی» شیرکتینین آدی انگیلیس دیلینده هزم معناسینی داشییان «دیسپپسی» سؤزوندن میدانا گلیب. شیرکتین صاحبی جالئب داویس برادهامین بو آدی سئچمهسینه سبب محصولونون هزمه یاخشی تأثیر گؤسترهن ایچکی کیمی تقدیم ائدیلمهسی ایدی. بو آد شیرکته اوغور گتیرهرک، اونون اوچون چوخ گؤزل بیر رئکلام اولدو.
«ربوک»
بو گون ان مشهور ایدمان آیاق قابیسی استحصالچیسی اولان «ربوک» شیرکتینین آدی آفریکادا یاشایان «رئبوک» آنتیلوپلارین آدیندان یارانیب. غریبه سسلنسه ده، محض بو حیوان شرکت یاراتماق قرارینا گلن عادی آیاق قابی اوستاسی اوچون ایلهام منبیی اولدو.
«سونی»
۱۹۴۶-جی ایلده محاربهدن سونرا یارانان و یاپونییانین ان مشهور شیرکتلریندن بیری اولان «سونی» اولجه «توکئ چوسین کورئ کابوسوکی-قایسیا» آدلانیردی. ترجمهده «توکیو تئلئکوممونیکاسییا-صنایع شیرکتی» دئمکدیر. داها سونرا، شیرکت آدینی دییشهرک داها لاکونیک «سونی» ائدیب.
«نیسان»
۱۹۳۳-جی ایلین دکابریندا یارادیلان «نیسان» شیرکتی اوللر «نیکسون سانقیو» آدینی داشیییردی. (یعنی ترجمهده «یاپونییانین صنایعسی» دئمکدیر) ۱۹۳۴-جی ایلده شیرکت آدینی دییشهرک « نیسان» قویور و بو گونه قدر ده دییشمز قالیر.
«گوگل»
شیرکتین قوروجوسو لاری پیج طلبه یولداشلاری ایله شیرکتینه آد آختاریب، مذاکیرهلر آپاریردی. مذاکیرهلرین سونوندا ان بیهنیلهنی «گوگول پلکس» اولوب. لاکین بیر طلبه بونو یانلیش تلفظ ائدرک «گوگل» دئمهسی پئیجین خوشونا گلیب و شیرکتین آدی ائله ده قالیب.
«ایستارباکس»
دنیاجا مشهور «ایستارباکس» ایلک اولاراق کیچیک بیر ماغازادا فعالیته باشلاییب. «ایستارباکس»ین قوروجوسو قوردون بووکئر ایشلری بؤیودوکجه دوکانینا آد فیکیرلشمهیه باشلاییر. مکمل بیر آد اولماسینی ایستهیهن قوردون ندنسه محض «ست» ایله باشلایان آدلار دوشونوردو. بیر یاخین دوستونون اونا تکلیف ائتدیی «ایستاربو» آدیندان سونرا او، ماغازانین آدینی «ایستارباکس» قویور.
«لایس»
۱۹۳۲-جی ایلده گرمان لی طرفیندن آچیلیب. اولجه بو چیپسلرین آدی «لایس پوتاتو جیپس» آدلانسا دا، داها سونرا - ۱۹۴۴-جی ایلده گرمان بو آدی دییشدیرهرک اؤز سوی آدینا بنزهدیر و قیساجا «لایس» قویور. بوندان سونرا بو چیپسلر، سانکی داها چوخ اوغور قازانیر.
«آدیداس»
«آدیداس» مارکاسینین قوروجوسو اولان آدولف داسلر بیرینجی دونیا محاربهسیندن سونرا ایدمان آیاق قابیلاری اختراع ائتمهیه باشلایان شیرکتین آدینی ائله اؤز آدی ایله علاقلندیریب. آدولفو اوشاق واختی عادی لقبی ایله چاغیریرمیشلار. آدولف دا لقبی ایله سویادینی بیرلشدیرهرک شیرکتینه «آدیداس» آدینی وئریب.
«نایک»
حاضردا دونیانین آپاریجی کلوبلارینا، ایدمانچیلارینا ایسپونسورلوق ائدن و ان چوخ آرزولانان گئییملر سیراسیندا دایانان «نایک» شیرکتینین آدی «غلبه» سؤزوندن گؤتورولوب. بئله کی، «نایک» یونان میفولوگییاسیندا غلبه تانریسینین آدیدیر.
«مک دونالدس»
«مک دونالدس» ایلک دفعه ۱۹۴۰-جی ایلده دیجک و ماک مکدونالد قارداشلاری طرفیندن کالیفورنییا اشتاتینین سان بئرناردینو شهرینده فعالیته باشلاییب. اونلار چوخ دوشونمهدن اؤلکهدهکی ایلک رئال فست فوود رستورانینین آدینی اؤز سوی آدلارینین شرفینه آدلاندیریبلار. هر کس طرفیندن سئویلن بو فست فوود رستورانی قیسا زاماندا یوکسک گلیر الده ائتمهیه باشلایاراق دونیا برندینه چئوریلیر.
«کوکا-کولا»
افسانه وی ایچکی آمریکالی فارماسپت جون پمبرتون طرفیندن ۱۸۸۶-جی ایلده ایجاد اولونوب. رسمی معلوماتلارا گؤره، او کوکینین یارپاقلارینی و کولا قوزلارینی بیر-بیری ایله قاریشدیراراق بو ایچکینی حاضرلاییب.
تاریخ
2024.03.28 / 17:02
|
مولف
Axar.az
|