۱۹۹۰-جی ایللرده آذربایجاندا چوخ مشهور بیر اسم ده واردی: یئلمار ممدوو. اونو تئز-تئز سویداشلارینین یانیندا گؤرردینیز، یاردیملاری حاقدا واخت‌آشیری معلوماتلار یاییلاردی.

گنج، انرژیلی، بویلو-بوخونلو و اؤلکه‌دن «بیر پنجکله» گئدیب، روسیادا یوزمیلیونلار قازانان یئرلیمیز…

۲۸ ایون ۱۹۵۷-جی ایلده قوبادلی رایونونون آشاغی موللو کندینده کولخوزچو عائله‌سینده آنادان اولوب و ائله اوشاق‌که‌ن ده آناسینی ایتیریب.

اونیوریستته قبول اولا بیلمه‌یه‌ن یئلمار ممدوو باکی‌دا زاوودلارین بیرینده فهله ایشلییر. ۱۹۷۶-جی ایلده روسیانین چیتا ولایتینده حربی خدمته یوللانان یئلمار خدمتیندن سونرا داشکنده یوللاناراق اورادا دا فهله اولاراق ایشینه داوام ائدیر. عینی زماندا دا داشکند عالی میلیس مکتبینه داخل اولور، سونرالار ایسه مسکوادا عموم‌اتفاق عالی حقوق مکتبینین غیابی شعبه‌سینده تحصیل آلیر.

او، روسیا فدراسیاسینین کومی مختار رسپوبلیکاسینداکی اوختا شهرینه گئدیر. نفت کشفیاتی اداره‌سینده ایشه گیرن یئلمارین بختی بورادا اوزونه گولمه‌یه باشلاییر. او، اولجه فهله، سونرا استا، مهندس، داها سونرا شعبه رئیسی و باش مهندسین معاونی اولور. میلیاردلیک یولوندا آددیملایان یئلمار ممدوو ۱۹۸۸-جی لازمی یئرلره مراجعت ائدیب، اولجه دؤرد نفرلیک "ترود" کوپراتیوینی آچیر.

ایلک ایشی بیر زاوودون دامینی اؤرتمک اولور. بو ایشدن الده اولونان گلیرله ایسه یئنی آوادانلیق آلیر، علاوه ایشچی قبول ائدیر. آرتیق بیر ایلدن سونرا اونون ایشچیلرینین سایی مین نفره چاتیردی.

بئله‌لیکله، بیزنسده آرتیق اوغورلو بیر آداما چئوریله‌ن یئلمار ممدوو چوخ کئچمیر کی، کومی رسپوبلیکاسینین خالق ملت وکیلی سئچیلیر.
۹۰-جی ایللرین اوللرینده اونون فعالیتی داها دا گئنیشله‌نمه‌یه باشلاییر.

بئله کی، او، «ماریا» آسوسیاسییاسینی تاسیس ائدیر و بیر نئچه شهرده آسوسیاسییانین فیلیاللارینی یارادیر. عینی زمان‌دا بیر نئچه بانک دا آچیر. روسیا تلویزییاسی ایله گؤستریله‌ن "ماریا» آسوسیاسییاسی» آدلی سندلی فیلمدن سونرا کئچمیش اس.اس.ار.ای-نین هر یئرینده رسمی آذربایجانلی میلیاردر کیمی تانینماغا باشلاییر.

قیسا مدت عرضینده فعالیت ساحه‌سی او قدر گئنیشلنیر کی، آلمانیا و فینلاندیادا مختلف مقاوله‌لر باغلاییر، ارمنیستان استثنا اولماقلا، کئچمیش سووئت رسپوبلیکالاری ایله علاقه‌لر یارادیر. فعالیت دایره‌سینی داها دا گئنیشلندیریب، آمریکا شرکتلری ایله اقتصادی امکداشلیغا باشلاییر.

وطن‌پرور میلیاردر کیمی تانینان یئلمار ممدوو قاراباغ محاربه‌سینده اردویا یاردیمی ایله ده سئچیلیر.

او، اجاره‌یه طیاره گؤتوررک جبهه اوچون پالتار، مختلف ارزاق ماللاری ایله باکیا گلیر. آذربایجاندا وضعیتله تانیش اولاندان سونرا گؤرور کی، جبهه‌یه هومانیتار یاردیم یوخ، حقیقی کمک لازم‌دیر. ائله بو مقصدله ده باکی‌دا «یئلمار اینترناسیونال» کوپراسییاسینی یارادیر. همین کوپراسییایا ۳ تیکینتی اداره‌سی، ۳ مستقل بانک، تجارت مرکزی، سیغورتا شرکتی و سایر داخل ایدی. ۳ میندن چوخ ایشچی‌سی واردی.

باکی‌دا اولدوغو دؤورده ایسه آذربایجان یوردداش پارتییاسینین صدر معاونی سئچیلیر و «گنرال محمد اسدوو» مکافاتینا لایق گؤرولور.
عینی زماندا یئلمار ممدوو خیریه‌چیلیکله ده مشغول اولوردو.

او، باکییا گلنده ه. تاغییئوین قیزی سارا خانیم چوخ آغیر خسته ایدی، هم ده قولاقلاری ائشیتمیردی. پیس ائو شرایطینده یاشاییر، دواع-درمان و ارزاق آلماغا پول تاپمیردی. یئلمار سارا خانیما باش چکیر، ائو شرایطینی یاخشیلاشدیریر. عینی زماندا اونون بوتون دولانیشیق و معالجه خرجلرینی اؤز اوزرینه گؤتورور.

قاریشیق عائله حیاتی اولان یئلمار ممدوو اوچ دفعه عائله حیاتی قورور. اما اونون بیرینجی حیات یولداشی حاقیندا هئچ واخت هئچ کیمین معلوماتی اولماییب. آذربایجانلی اولدوغو دئییله‌ن بیرینجی حیات یولداشی ایله ازدواجیندان بیر اوغلو و بیر قیزی دنیایا گلیب. بیر مدت سومقاییتدا یاشاسالار دا، سونرادان هارادا یاشادیقلاری بیلینمیر.

ایکینجی دفعه ایسه او، روس اصللی قادینلا ائولنیر. بو ائولیلیکدن دنیایا گلن اؤولادلاری ایسه روسیادا یاشاییر.

اوچونجو حیات یولداشی نزاکت قوجایئوادیر و او، ائله خانیمی ایله بیرلیکده ۱۲ آپرل ۱۹۹۵-جی ایلده داشکندده موعمالی شکلده وفات ائدیر. رسمی معلوماتلاردا اونلارین گاز سیزماسیندان اؤلدویو دئییلسه ده، مافیوز گروپلار طرفیندن سفارشله اؤلدورولدوکلری ده دئییلیب.

اونلار یاسامال قبرستانلیغیندا دفن اولونوبلار.