تبریزین تاریخی باغمشه محله‌سینده یئرلشن و شهرین قدیم معمارلیق نمونه‌لریندن اولان تاریخی کلنتر ائوی باخیم‌سیزلیق اوجباتیندان داغیلماق اوزره‌دیر.

Kult.az خبر وئریر کی، بو باره‌ده یئرلی فعاللار معلومات یاییب.

اونلار مدنی ارث، توریزم و ال ایشلری تشکیلاتینین تاریخی مکانین برپاسی و قورونماسی ایله باغلی مراجعتلره جواب وئرمدیینی یازیبلار.

۱۸۹۲-جی ایلده اینشا ائدیله‌ن کلنتر ائوینین ۱۸ آوگوست ۲۰۰۳-جو ایلده ۹۷۱۲ قیدیات نمره‌سی ایله ایران ملی اثرلر سیاهی‌سینا سالینماسینا باخمایاراق، عابده‌نین برپاسی اوچون هئچ بیر ایش گؤرولمه‌ییب.

تبریزده قاجارلار دؤورونون نادیر معمارلیق نمونه‌لریندن اولان عابده جدی خسارتلر آلیب، حاضردا نارکومانلارین ییغیناق یئرلریندن بیرینه چئوریلیب.

قید ائدک کی، ۲۰۲۳-جو ایلین سنتیابر آییندا عابدنین برپاسی ایله باغلی امضا کامپانییاسی باشلادیلیب و یوزلرله مدنی فعال تبریز بلدییه‌سینین رهبری یعقوب هشیاردان عابده‌نین برپا ائدیله‌رک موزه‌یه چئوریلمه‌سینی ایسته‌ییبلر.