آنا صحیفه کولت |
بو گون مرحوم خالق آرتیستی، آکتیور مختار مانیئوین دوغوم گونودور.
Kult.az بو مناسیبتله آکتیور حاقیندا ماراقلی فاکتلاری تقدیم ائدیر:
مختار مانیئو ۴ آپرئل ۱۹۳۵-جی ایلده باکیدا دوغولوب. آتاسی قالا کندیندن، آناسی ایچریشهرلیدیر. اوشاقلیق ایللرینده آکتیور اولماق هوسینده اولمادیغیندان نفت-کیمیا اینستیتوتوندا مهندیس اختصاصی آلیب. آنجاق سونرادان آکتیورلوق صنعتینه استقامتلنیب.
او، سندلرینی آذربایجان دولت اینجهصنعت اینستیتوتونا تقدیم ائدرک، ایکینجی تحصیل آلماغا باشلاییب.
مختار مانیئوین کینویا گلیشی «اونو باغیشلاماق اولارمی؟» فیلمی ایله باشلاییب. سونراکی ایللر بیر-بیرینین آردینجا «اینسان مسکن سالیر»، «او قیزی تاپین»، «بیزیم جبیش معلم» فیلملرینده مختار چوخ اوغورلو قهرمانلاری اکراندا جانلاندیرماقلا اؤزونو تصدیق ائدیب. مختار مانیئو ۱۵۷ فیلمه چکیلیب.
حیات یولداشی نسیبه ایله کینوستودییانین نزدینده آچیلمیش آکتیور کورسلاریندا تانیش اولوبلار. مختار مانیئو اورادا طلبهلره درس دئیهن زامان نسیبهنی گؤروب بینیر و اونلار عائله قورورلار.
خانمی ایله بیر-بیرلرینی چوخ سئویبلر. آکتیور شکرلی دیابتین آغیر فورماسیندان اذیت چکیب. خانمی هر زامان اونون یانیندا اولوب، قایغیسینا قالیب حتی تئاتر مشقلرینه، چکیلیشلره مختار مانیوین آردینجا گئدهرک اونا ترموسدا لیمونلو چای آپاریرمیش.
یاخشی خؤرک بیشیرمیی باجاریب. خاشی، پامیدور یومورتا چیغیرتماسینی چوخ دادلی بیشیررمیش.
عائله قوراندان سونرا سیگارتی و ایچکینی ترگیدیب. دئییلنه گؤره چوخ کینسیز و کورک آدام اولوب. یانیندا بیر آدام آغلایاندا اونون دا گؤزلری دولوب. ۸۱ ایل یاشایان آکتیور فیزیکی جهتدن چوخ گوجلو اولوب. جوانلیغیندا اوزگوچولوکله، بوکسلا، گولشله مشغول اولوب. مطالعه ائتمیی چوخ سئویب. مسکوادا چیخان بوتون قزئت و ژورناللارا آبونه اولوب.
بو ائولیلیکدن اونلارین اوچ اوغلو اولوب. آکتیور اوغلانلارینا قارشی چوخ دقتلی اولوب.
صنعتینی چوخ سئویب، رولون بؤیوک-کیچیکلیینه باخماییب. بعضا بئله اولوب کی، اونو فیلمه تصدیق ائدیبلر، اما سحری گون چکمک ایستهمهییبلر. و یا باش رولا تصدیق ائدیب، ایکینجی درجهلی رولا چکیبلر.
مختار مانیئو اوزون ایللر اورک-قان دورانینین پوزولماسی و شکر خستهلییندن اذیت چکیب. وضعیتی گئتدیکجه پیسلشهن صنعتکارین ۲۰۱۵-جی ایل ۱۱ آوگوست تاریخینده سول آیاغی، ۲۰۱۶-جی ایلین مارت آیینین ۱۵-ده ایسه ساغ آیاغی علمی جراحیه مرکزینده آمپوتاسییا اولونوب. وضعیتی ایستابیل اولان آکتیورون صحتی ۲۲ دکابردا یئنیدن پیسلشیر، سحر ساعتلاریندا دونیاسینی دییشیب.
خانمی نسیبه مانیئوا همین گونو بئله خاطرلاییر: «دونیاسینی دا دکابرین ۲۲-ده دییشدی. اوغلوموز تورالین تویونون بیرینجی ایل دؤنومونده مختار وفات ائلدی».
او، وصیعتینه اساساً، قالا قصبهسینده والیدینلرینین یانیندا تورپاغا تاپشیریلیب.
تاریخ
2024.04.04 / 15:08
|
مولف
اسماعیلووا سوزاننا
|