یوخاری

علیمرادی: تیکاب شهرینین تاریخی «سوغورلوق» عابده‌سی محو ائدیلیر

آنا صحیفه کولت
12 Punto 14 Punto 16 Punto 18 Punto

گونئی آذربایجانلی ائکوفعال، تانینمیش رژیسور محمد علی‌مرادی آذربایجان مدنیتی و تاریخی ارثینه قارشی لاقیدلیک و دوشمن مناسیبت سرگیله‌ندیینی بیلدیریب.

Kult.az خبر وئریر کی، او، بو باره‌ده اؤزونون سوسیال مئدیا حسابیندا ویدئو یاییب.

رژیسور آذربایجانین دمیر دورو سیویلیزاسییا مرکزلریندن بیری اولان و غربی آذربایجان ایالتینین تیکانتپه (تیکاب) اراضی‌سینده یئرلشن تاریخی «سوغورلوق» کومپلکسی باره‌ده حاضیرلادیغی قیسا سندلی فیلم‌ده کومپلئکسین آجیناجاقلی دورومو باره‌ده دانیشیب.

علی‌مرادی ایران‌دا آدی تحریف ائدیله‌رک «تخت سلیمان» آدلاندیریلان کومپلکسین تاریخینی ده دییشدیریلدیینی، آذربایجان و تورک کیملیینه مخصوص‌لوغونون آرادان قالدیریلماسینا چالیشیلدیغینی دئییب.

او، اهمنی‌لردن ده اولکی دؤوره عایید اولان تاریخی عابیده‌نین فارسلاشدیریلاراق ساسانی سلاله‌سی دورونون عابده‌سی و «آتشگاه» کیمی قلمه وئریلمه‌سینین اساس‌سیز اولدوغونو بیلدیریب:

«سوغورلوق کومپلکسینده دمیر دورونون مقدس اوجاقلاری استثنا اولماقلا، آتشگاه و زرشت‌دن، ساسانیلر سلاله‌سیندن اثر-علامت یوخدور».

آذربایجانلی رژیسور کومپلکسین تاریخی و تعیناتینین ساختالاشدیریلماسینا اعتراض ائدیب، بونو «فارس کیم‌لییی و تاریخی یاراتماق لاییحه‌سی»نین ترکیب حیصه‌سی آدلاندیریب:

«فارس-آری تاریخی یاراتماق لاییحه‌سی چرچیوه‌سینده دیلیمیزی و کیملییمیزی اؤز آدلارینا سندله‌شدیردیلر، ایندی ده تاریخی عابده‌لریمیزی اؤزونونکوله‌شدیریرلر».

گونئیلی صنعتچی سوندا «سوغورلوق» کومپلکسی‌نین تاریخی و تعییناتی باره‌ده منبع‌لره استینادا آچیقلامالار وئره‌رک، فارسلارین کومپلکس باره‌ده ادعالارینین اساسسیز اولدوغونو ثبوت ائدیر.

تاریخ
2024.06.15 / 10:00
مولف
جاویدان
شرح لر
دیگر خبرلر

قزوینین اوچ طبیعی اثری قئیدیاتا آلیندی

شوشادا نوبتی واقیف پویزییا گونلری باشلادی - فوتو

جئک سرچه - اسلامی و تورکلویو قبول ائد‌ن مشهور قولدور

تبریزده داها بیر تاریخی عابده محو اولماق اوزره‌دیر

آذرین بوزقورد اشاره‌سی توتدو، اردوغان آلقیشلادی - ویدئو

قاداغان اولونموش کیتابلار سیلسیله‌سیندن:«۵ نمره‌لی ساللاقخانا و...»

"من کی گؤزل دئییلدیم"-این گؤزلی-صدایه مصطفی‌یئوا

واقیف مصطفی‌زادنین ایلک دفعه یاییلان ایفاسی - ویدئو

ارمنی ایفاچینین منیمسدیی «قاراباغ» ماهنی‌سی «یوتیوب» پلاتفورماسیندان سیلیندی

مرکل سریال قهرمانی اولدو

خبر خطّی
Axar.az'da reklam Bağla
Reklam
Bize yazin Bağla