هئچ گناهی اولمادیغی حالدا گناهکار ساییلان، دوردوق یئرده ایشه دوشن، پروبلم یاشایان آداملار تئز-تئز «قاباق منیم باشیم‌دا پارتلادی» ایفاده‌سینی ایشلدیرلر. بس نیه محض قاباق؟ چوخلاری ائله باشا دوشه بیلر کی، ایفاده محض ترکیه‌ده یارانیب، اونا گؤره، تورکلر بو سؤزو داها چوخ ایشلدیرلر. اما بو مثل، داها دوغروسو سؤزو گئدن قاباق- کاباک هم قفقازدا، هم ترکیه‌ده، هم ده بیر چوخ بالکان اؤلکه‌لرینده قاب کیمی ایشلدیلیب.

Kult.az «بئله یارانیب» روبریکاسین‌دا بو مثلین یارانماسیندان بحث ائدیر.

اورتا عصرلردن ۱۹-جو عصرین سونلارینا قدر آذربایجان‌دا و ترکیه‌ده بالقاباغین خصوصی بیر نوع‌وندن قاب-قاچاق کیمی استفاده اولونوردو. مثلاً کناردان کامانچانی خاطرلادان بالقاباقلارین ایچینی بوشالدیب، اونلاردان دولچا، چمچه کیمی استفاده ائدیردیلر. بیر قدر باشقا فرمالی، آرمودا، سوراحییه بنزر بالقاباقلاردان ایسه سو قابی، شراب قابی کیمی استفاده اولونوردو. بو عنعنه آذربایجانین بیر سیرا کندلرینده ایندی ده قورونور. قادینلار ایچی تمیزلنیب، قورودولموش بالقاباقلاردا دوز، ایستیوت، دویو، مرجیمک ساخلاییرلار.

اورتا عصرلرده میخانالاردا (شراب ائولری) قاباقلاردان شراب قابی کیمی استفاده اولونوردو. تئز-تئز حکمدارین عسگرلری طرفیندن باسیلیب، مهرلنه‌ن میخانالاردا داوا دوشوردو و دولو قاباقلاری اورا-بورا آتیردیلار. قاباق گناهی اولان اولمایان هر کسه دییب، باشیندا پارتلایا بیلردی. باخ بئله‌جه، «قاباق منیم باشیم‌دا پارتلادی» ایفاده‌سی یاییلدی.