آنا صحیفه ماقازین |
روسییانین مشهور موغننیسی لیوبوو اوسپنسکایانین آذربایجاندا سفرده اولارکهن ارمنی دیلینده ماهنی اوخوماسی قالماقالا سبب اولوب.
اوخو. آذ خبر وئریر کی، سؤزوگئدن گؤرونتولر سوسیال شبکهلرده یاییلیب.
ویدئودا اوسپنسکایانین پیانو آرخاسیندا ارمنی ماهنی ایفا ائتمهسی، داها سونرا ایسه سؤزوگئدن دیلده باکیدا دا ماهنی ایفا ائتدیینی اعتراف ائتمهسی عکس اولونوب.
"قاراباغ محاربهسینین ان قیزغین واختی ایدی، باکییا قاسترول سفرینه گئتمیشدیم. کنسرتدن سونرا آذربایجانلیلار منی نهار یئمیی اوچون باکینین مشهور رستورانلاریندان بیرینه آپاردیلار. بیز اورادا او قدر ایسپیرتلی ایچکی قبول ائتدیک کی، "لول-قمبر" اولدوق. بیردن قوناقلار دئدیلر کی، لیوبا، دور، بیر ماهنی ایفا ائت. او قدر ایچمیشدیم، آغلیمدان تمامیله چیخمیشدی کی، هارادایام. باشلادیم ارمنی دیلینده ماهنی ایفا ائتمهیه. موسیقیچیلر منی بیر نئچه دقیقه مشایعت ائتدیکدن سونرا یئرلریندن دوروب، چیخیب گئتدیلر".
داها سونرا ل. اوسپنسکایا همین ماهنینی ایفا ائتمک اوچون یئنیدن پیانو آرخاسینا ایلشیب.
سؤزوگئدن گؤرونتولر سوسیال شبکه ایستیفادهچیلرینین، آذربایجانین تانینمیش شخصلرینین اعتراضینا سبب اولوب. موغننی ائلدار قاسیموو، آپاریجی نرگیز جلیلووا و خالق آرتیستی فلورا کریمووا اونون آددیمی تنقید ائدیبلر. آذربایجانلیلار L.Uspenskayanین آذربایجانا گلیب، بورادا اوخویوب، پول قازانیب و داها سونرا بو جور آددیم آتماسینین یولوئریلمز اولدوغونو دیله گتیریبلر.
تاریخ
2019.09.02 / 16:18
|
مولف
Axar.az
|