روسییا همچینین ارمنیستان-آذربایجان، داغلیق قاراباغ موناقیشه‌سینین حلی اوزره آتت-این مینسک قروپونون همصدری کیمی، طرفلره قارشیلیقلی فایدالی حللرین آختاریشیندا یاردیمی داوام ائتدیره‌جک.

رئپورت خبر وئریر کی، بونو روسییانین خاریجی ایشلر ناظری سرگئی لاوروو آتت-ا عضوو اولان اؤلکه‌لرین خاریجی ایشلر ناظرلری شوراسینین ویانادا کئچیریله‌ن ایللیک ایجلاسیندا دئییب.

اونون سؤزلرینه گؤره، بو حل یوللاری روسییا، آمریکا و فرانسا پرزیدنتلرینین دفعه‌لرله تصدیق ائتدیی پرینسیپلره اویغون اولمالیدیر.

سرگئی لاوروون فیکرینجه، موناقیشه‌نین حلینه تؤهفه وئرمک آتت-این فعالیتینین واجیب ایستیقامتلریندن بیریدیر.

او، آتت-این تروریزمه قارشی موباریزه‌ده فعالیتینین گوجلندیریلمه‌سینین ضروریلیینی وورغولایاراق، آتت-این تشکیلات مکانیندا، همچینین سیاسی ساحه‌ده گرگینلیین آزالدیلماسینا کؤمک ائده بیلجیینه اومید ائتدیینی بیلدیریب.

قید ائدک کی، آتت-این ایجلاسیندا آذربایجانین خاریجی ایشلر ناظری المار ممدیاروو دا داخیل اولماقلا، ۴۰-دان چوخ خاریجی ایشلر ناظری ایشتیراک ائدیر.