شرقی آذربایجان‌دا باش وئره‌ن زلزله نتیجه‌سین‌ده ایندیدک رسمی اولاراق ۶ نفرین اؤلدویو (غیری-رسمی معلوماتا گؤره، ۱۱ نفر هلاک اولوب)، ۳۸۰ نفرین یارالاندیغی بیلدیریلیر.

آخار. آذ ایسنا-یا ایستینادن خبر وئریر کی، یارالیلاردان ۱۷-سی خسته‌خانایا یئرلشدیریلیب. اؤلنلرین هامی‌سی میانا شهری اطرافین‌دادیر.

زلزله نتیجه‌سین‌ده ۸۰ کندده داغینتیلار اولوب، ۵۰۰ ائوه جدی زیان دییب. ورنکش و ورزیقان کندلری ان چوخ زرر دیه‌ن کندلردیر. رسمی معلوماتا گؤره، ۳۴ عملیات قروپو ضررچکمیشلره یاردیم مقصدی ایله بؤلگه‌لره گؤندریلیب. ایندیدک ۵۷ آوتئرشوک (پس لرزه) قیده آلینیب.

ایران قیزیل آیپارا جمعیتین‌دن وئریله‌ن معلوماتا گؤره، زلزله‌دن زیان چکنلرین ۶۰ فایزی موقتی یئرلره یئرلشدیریلیب. بو گون آخشاما کیمی ضررچکه‌نلرین هامی‌سی ایستی یئرله تعمین ائدیله‌جک.

بؤلگه‌ده‌کی ائولرین زلزله‌یه داواملی اولماماسی داغینتینین میقیاسینین آرتماسینا سبب اولوب. همچینین، زلزله بؤلگه‌سین‌ده خسته‌خانانین آز اولماسی جدی پروبلئملره یول آچیب.

حادثه شاهیدلرینین بیلدیردیینه گؤره، ۱۲ یاشلی قیز خسته‌خانایا گئج چاتدیریلدیغی اوچون حیاتینی ایتیریب.